تورکیه-نین چای صادراتی
تورکیه-دن ژانویه-مارس آیلاریندا چای صادراتی اوولکی ایلین عینی آیلارینا گؤره یوزده 20 آرتاراق 8 میلیون 555 مین 356 دولارا چاتیب.
تورکیه-دن ژانویه-مارس آیلاریندا چای صادراتی اوولکی ایلین عینی آیلارینا گؤره یوزده 20 آرتاراق 8 میلیون 555 مین 356 دولارا چاتیب.
دوغو قارا دنیز صادراتچیلار بیرلیگینین معلوماتلارینا گؤره، ایلین 3 آییندا تورکیه-ده یئتیشدیریلن چای 96 اؤلکهیه، موختار و آزاد بولگهیه ساتیلیب.
2023-جو ایلین ژانویه -مارس آیلاریندا 7 میلیون 107 مین 943 دولار اولاراق قئیده آلینان چای صادراتی بو ایلین عینی دؤورونده یوزده 20 آرتاراق 8 میلیون 555 مین 356 دولارا چاتیب.
اؤتن ایلین بیرینجی اوچ آییندا 1465 تون اولان تورک چایینین صادرات حجمی بو ایلین عینی دؤورونده 1828 تونا چاتیب.
تورک چایینا ان چوخ طلبات بلژیک، بؤیوک بریتانیا و امریکا-دان گلیب.
اؤتن ایلین عینی دؤوروندن فرقلی اولاراق لیبریا، موریتانی، کرواسی، کامرون، گابن، لهستان، تونیس، میصر، گونئی سودان، دبی، بروندی، برزیل،مرکزی افریقا جمهوریتی، ونزوئلا، استوایی گینه، کوبا، جیبوتی، آنگولا و گامبیا-یا دا بو مدت عرضینده چای ساتیلیب.