آنتالیایا 2 میلیونا یاخین خاریجی توریست گلیب

آنتالیایا گلن خاریجی توریستلرین سایی 1 میلیون 870 مینه چاتیب.

حرفه‌ای هتل رهبرلری درنَیی باشچیسی هاکان ساعاتچی‌اوغلو مؤوسومه یاخشی باشلادیقلارینی ایفاده ائده‌رک، "دوننه قدر آنتالیایا خاریجدن گلن قوناقلارین سایی 1 میلیون 870 مین نفردیر. اؤتن ایلله موقایسه‌ده یوزده 16 آرتیم قیده آلدیق." دئدی.

آنتالیادا قیش مؤوسومونون آکتیو اولدوغونو بیان ائدن ساعاتچی‌اوغلو ایلین سونونا قدر 17 میلیون توریست سایینا چاتا بیله‌جَیینی بیلدیریب.