تورکیه خاریجی یاتیریمدا اوروپانین 4-جوسو اولدو

تورکیه خاریجی یاتیریم پروژه‌لرینده اوروپادا 4-جو سیرایا یوکسلدی.

اولوسلارآراسی تفتیش و مشاوره شیرکتی EY اوروپادا خاریجی یاتیریملار حاقیندا راپورونو درج ائدیب.

راپورا گؤره، خاریجی شیرکتلرین تورکیه‌ده اعلان ائتدیگی یاتیریم پروژه‌لرینین سایی 2023-جو ایلده اولکی ایله نیسبتا 17 فائیض آرتیب.

اوروپا درجه‌لندیرمه‌سینده ایسپانیانی گئریده قویان تورکیه 4-جو پیلله‌یه یوکسلیب.

تورکیه 2022-جی ایلده 321 پروژه ایله 5-جی یئرده قرارلاشیب.

سؤزوگئدن راپوردا "اوروپانین اساس مرکزلری آراسیندا تورکیه کئچن ایل خوصوصیله دینامیک بیر اینکیشاف نوماییش ائتدیردی" شرحی‌ ده یئر آلیب.

فرانسه ده یاتیریم پروژه‌لرینین سایی 5 فائیض آزالاراق 1194-ه دوشوب.

آلمانداکی خاریجی یاتیریمجیلار دا اؤتن ایل فعالیتلرینی خیلی آزالدیبلار.

آلماندا خاریجی شیرکتلرین آچیقلادیغی یاتیریم پروژه‌لرینین سایی 2023-جو ایلده اولکی ایله نیسبتا یوزده 12 آزالاراق 733-ه دوشوب.

سؤزوگئدن سرمایه‌لر آلماندا 2013-جو ایلدن بری ان آشاغی سویه‌یه دوشوب و آردیجیل 6-جی ایلدیر کی، ائنیشینی داوام ائتدیریر.