بو درین‌دره گؤرمه‌یه دگر!
دونیانین ایکینجی بؤیوک درین‌دره‌سی تورکیه‌نین اوشاق شهرینین اولوبی ائلچه‌سینده
دونیانین ایکینجی بؤیوک درین‌دره‌سی تورکیه‌نین اوشاق شهرینین اولوبی ائلچه‌سینده.
۷٥ کیلومتر اوزونلوغون‌داکی اولوبی کانیونو، ائلچه‌نین یاخینین‌دان گئچرکن اولوشدوردوغو دیک و قیوریم‌لی دره‌لرله گؤرسل بیر شؤلن اورتایا قویور. بو درین‌دره آمریکا‌نین بؤیوک کانیوندان سونرا گلیر.
اولوبی کانیونونون توریزمه آچیلماسی اوچون چالیشما یئریدیلیر. اوشاق‌ین باناز ائلچه‌سیندن باشلاییب دنیزلییه قدر اوزانان اولوبی درین‌دره‌سی ائلچه‌نین ان یاخین نقطه‌سینده ۱۰۰ متر گئنیش‌لییه و ۱۷۰ متر درین‌لییه چاتیر.
اولوبی دره‌سی و باناز چایی بویونجا اوزانان کانیون توریزم باخیمین‌دان گله‌جک وعد ائدیر. گئچن ایل اورمان و سو ایشلری باخانلیغی طرفین‌دن طبیعت پارکی اعلان ائدیلن اولوبی کانیونوندا قوناقلاماق اوچون تاختادان ائولر یاپدیریلدی.
اولوبی کانیونوندا گزگینلر اوچون جامدان تئراس یاپیلاجاق. پروژه داخیلینده ۱ عدد سوسیال تاسیس، ۸ مین مربع مترلیک ساحه‌ده بیر لندشافت چالیشماسی و ۱۱۰ مربع متر بؤیوکلوگونده آسما کؤرپویه بنزر بیر جام تئراس اینشا ائدیله‌جک.
