سیگار چکنلر قونشولارینا جریمه وئرهجک
بیر نفر، بالکندا سیگار چکهرک اوشاغینی توستویه معروض قویان قونشوسوندان شکایت ائتدی
روسیادا سیگار چکنلر، قونشولارینا جریمه اؤدیهجک.
روسیا یوکسک محکمهسی، سیگار چکمهیهن اینسانلارین حاقلارینین قورونماسی اوچون اؤرنک تشکیل ائدجک بیر قرار آلدی.
نوووسیبیرسکده بیر نفر، بالکندا سیگار چکهرک اوشاغینی توستویه معروض قویان قونشوسوندان شکایت ائتدی.
روسیا یوکسک محکمهسینین ۲۰۱۸ین سون گونلرینده سؤزوگئدن شکایت نتیجهسینده وئردیگی حؤکمه گؤره، سیگار چکن شخص، وئردیگی ضرر سببی ایله قونشوسونا ۵ مین روبل (۷۲ دلار) معنوی جریمه اؤدیهجک.
روسیانین رسمی یایین اورگانی روسیسکایا قازئتادا یئر آلان خبره گؤره، محکمه، ائولرده یاشایانلارین سیگار توستوسونه و توتون محصوللارینین تاثیرلرینه معروض قالمادان، ال وئریشلی چئوره شرطلرینده یاشاماق حاقلاری اولدوغونا حؤکم ائتدی.
بو اؤرنک قرار اساسیندا روسیادا سیگار چکهنلر، سیگارینین توستوسو دیگر ائولره داخیل اولماسی حالیندا، قونشولارینین معروض قالدیغی معنوی ضررلرینی قارشیلاماقلا مکلف اولاجاق.