سیگار کؤتویو آتانلارا پول جزاسی
چئوره قورولوشلاری، زهرلی آتیقلارلا مباریزهنین ضروری اولدوغونا ایشاره ائدیر
پرتغالدا گلن آیدان اعتباراً یئره سیگار کؤتویو آتانلارا پول جزاسی وئریلهجک.
پرتغال پارلمانیندا ۱۹ جولایدا قبول ائدیلن و زهرلی آتیقلارین ائکولوژیک تأثیرلری ایله مباریزهنی هدفلهیهن یئنی قانونا گؤره، یئره سیگار فیلتری آتانلار، ۲۵ ایله ۲۵۰ یورو پول جزاسینا محکوم ائدیلهجک.
یئنی قانونلا، تکجه کوچهلرین دئییل، عینی زاماندا چیمرلیک، چای قیراغی و پارکلارین دا فیلترلردن تمیزلهنمهسی هدفلهنیر.
یئنی قانون، خالقا آچیق یئرلردهکی آلیش وئریش مرکزی و هتل کیمی تجاری یئرلره ده بعضی سوروملولوقلار یۆکلهییر. بو موسسهلرین سیگار چکیلهن آچیق ساحهلرینه کول قابی قویماسی و اونون تمیزلیگینی ائتمهسی شرطی گتیریلرکن بونو پوزانلارا دا ۲۴۰ ایله مین ۵۰۰ یورو پول جزاسی کسیلمهسی نظرده توتولور.
پرتغالدا کوچهیه دقیقهده ۷ مین سیگار کؤتویو آتیلدیغینا دقت چکهن چئوره قورولوشلاری، زهرلی آتیقلارلا مباریزهنین ضروری اولدوغونا ایشاره ائدیر.