قهوه و چایین یوخویا تاثیری وار می؟
آراشدیرمانین، قهوه و چایین یوخونو قاچیردیغی یولوندا‌کی اینانیش قونوسوندا چاشدیریجی نتیجه‌لر سوندوغونا ایشاره ائدیلدی
یاتما واختیندان قاباق ایچیلن قهوه و چای، یوخویا تأثیر ائتمیر.
ایندپندنت قزئتینین خبرینه گؤره، آمریکانین فلوریدا آتلانتیک اونیورسیته‌سی و هاروارد اونیورسیته‌سی ظب فاکولته‌سین‌دن آراشدیرماچیلار، گؤنول‌لو ۷۸۵ نفری توپلام ۵ مین ۱۶۴ گون و گئجه ایزله‌یه‌رک نه قدر کافئین، الکل و نیکوتین آلدیقلارینی ثبت ائتدی.
آراشدیرما قروپو داها سونرا بو معلوماتلاری، قاتیلیمچیلارین یوخو مدتینی و یوخو وئریملیلیگینی ثبت ائدن بیله‌ک سنسورلاریندن الده ائدیله‌ن نتیجه‌لرله مقایسه ائتدی.
چالیشمادا، نیکوتین و الکل یوخونو بؤلرکن، کافئینین یوخو اوزرین‌ده تأثیرینین اولمادیغی گؤرولدو.
چالیشما آیریجا یاتمادان قاباق اچئکیلن بیر سیگارین یوخویا گئتمک‌ده چتین‌لیک چئکنلرده توپلام یوخو مدتینی ۴۲ دقیقه، گئجه بویونجا سیگار چئکمه‌نین یوخو مدتینی تخمیناً ۴۳ دقیقه آزالتدیغینی گؤستردی.
فلوریدا آتلانتیک اونیورسیته‌سین‌دن دؤکتور کریستین سپادولا، "سلیپ" درگیسینده یازدیغی مقاله‌ده، یاتمادان قاباقکی ۴ ساعات ایچین‌ده آلینان نیکوتین و/و یا الکلون یوخو داوام‌لی‌لیغینا منفی تأثیر ائتدیگینی ایفاده ائتدی.
سپادولا، یوخو اؤنجه‌سی ۴ ساعات ایچین‌ده کافئین آلیمی ایله یوخو پارامترلرینین هئچ بیری آراسین‌دا ایسه بیر علاقه گؤزلمله‌مه‌دیک" ایفاده‌سینه یئر وئردی.
آراشدیرمانین، قهوه و چایین یوخونو قاچیردیغی یولوندا‌کی یاییغین اینانیشین ترسینه چاشدیریجی نتیجه‌لر سوندوغونا ایشاره ائدیلدی.
