یئنی زلانددا سیگار چکمک رسماً قاداغان ائدیله‌جک
"قانون قوه‌یه گیردیگین‌ده ۱۴ یاشین‌دا اولان هئچ کیم عؤمورو بویونجا بورادا قانونی اولاراق توتون آلابیلمه‌یه‌جک"
یئنی زلاند، بیر سونراکی نسلین سیگار چکمه‌سینین رسمی اولاراق قاداغان ائدیله‌جگینی بیلدیردی.
بو قرارلا ۱۴ یاش و یا آلتیندا اولانلار، اؤلکه‌ده قانونی اولاراق هئچ سیگار آلابیلمه‌یه‌جک.
'توستوسوز بیر یئنی زلاند' هدفله‌یه‌ن حکومتین قراری ایله سیگار آلما یاشی دا هر ایل یوکسه‌له‌جک.
حکومت، ۴ ایل ایچین‌ده سیگار چکمه‌یه‌ن بیر جمعیت هدفینه چاتماق ایسته‌ییر. بو دوغرولتودا اؤلکه‌ده توتون‌ده‌کی نیکوتین سویه‌لری محدودلاشدیریلدی، سیگار ساتان دوکان ساییسی آزالدیلدی و باغیملیلیق خیدمتلرینه داها چوخ بودجه وئریلدی. بو قیسیدلامایا، الکترونیک سیگار محصوللارینی احتوا ائتمه‌یه‌جک.
اسپوتنیکین خبرینه گؤره، ساغلیق باخانی کؤمکچی‌سی دکتر عایشا ورال،
"بو گون خالقیمیز اوچون تاریخی بیر گون. قانون قوه‌یه گیردیگین‌ده ۱۴ یاشین‌دا اولان هئچ کیم عؤمورو بویونجا بورادا قانونی اولاراق توتون آلابیلمه‌یه‌جک" دئدی.
یئنی زلانددا سیگار چکه‌نلرین جمعیته نیسبتی ۲۰۱۰دا یوزده ۱۸ ایکن، ۲۰۱۸ده بو نیسبت یوزده ۱۱.۶یا دوشدو.
