آووکادو، اورک و دامار خستهلیگی ریسکینی آزالدیر
آراشدیرماچیلار، ۳۰ ایلدهن چوخ مدتدیر آووکادو یئمک ایله اورک دامار خستهلیکلری آراسینداکی باغلانتینی آراشدیریر
1805704
هفتهده ایکی دفعه یاریم آووکادو یئیهن شخصلرین اورک و دامار خستهلیگی ریسکینین داها آز اولدوغو معین اولوندو.
یوپیای اینترنت سایتینین خبرینه گؤره، آمریکا بیرلشمیش دؤولتلرینده آراشدیرماچیلار، ۳۰ ایلدهن چوخ مدتدیر آووکادو یئمک ایله اورک دامار خستهلیکلری آراسینداکی باغلانتینی آراشدیریر.
نتیجهلری، ژوورنال آف ده امریکن هرت آسوسیشیندا یاییملانان چالیشمادا، ۱۱۰ میندن چوخ اینسانین بیلگیلری آراشدیریلدی.
چالیشمادا، ۹ مین ۱۰۰دن چوخ اینسانین اورک خستهلیگینه توتولدوغو و ۵ مین ۲۰۰دن چوخ اینسانین دا فلج گئچیردیگی بیلدیریلدی.
هفتهده ایکی دفعه، فرقلی زامانلاردا یاریم آووکادو یئیهن شخصلرین، اورک و دامار خستهلیکلرینه توتولما ریسکینین، هئچ یئمهیهنلره مقایسهده یوزده ۲۱، داها آز یئیهنلره نیسبتله ایسه یوزده ۱۶ آزالدیغی ایفاده ائدیلدی.