آمریکادا گنج کیشیلرین چوخو سوبای یاشاییر
پسیکولوژی پروفسورو رونالد لوانت، قادینلارین کیشیلره گؤره دویغوسال اولاراق داها آسان یاخین یولداشلیق قورابیلدیگینی ایفاده ائتدی
آمریکا بیرلشمیش دؤولتلرین‌ده گنج اوغلانلارین یۆزد ۶۰یندان چوخونون سوبای یاشادیغی، گنج قادینلاردا ایسه بو نسبتین یاری یارییا اولدوغو ایفاده ائدیلدی.
ده هیل اینترنت پورتالینین، پی‌ای‌دبلیو آراشدیرما مرکزی داخیل چئشیدلی سورغو بیلگیلرینی اساس آلاراق یازدیغی خبرده، آمریکا اهالیسینده‌کی گنج کیشیلر و قادینلارین اجتماعی وضعیتی اله آلیندی.
یاشلاری ۱۸ ایله ۲۹ اولان کیشیلرین یۆزده ۶۳و سوبای یاشایارکن، عینی یاش قروپون‌داکی گنج قادینلاردا ایسه بو اورانین یۆزده ۳۴ اولدوغونا ایشاره ائدیلدی.
خبرده، اؤزللیکله یئنی تیپ کوروناویروس (کووید-۱۹) سالقینییلا گنجلرین "ائش‌سیزلیک" و "یولداش‌سیزلیق" چئوره‌لرینده قایغی وئریجی بیر دارالما یاشاندیغینا وورغو ائدیلدی.
گنج کیشیلرین سالقین سونراسی اجتماعی ایلیشکیلرین دارالماسیندان داها چوخ تاثیرلندیگینیه وورغو ائدیلدی.
آکرون اونیوئرسیته‌سی پسیکولوژی پروفسورو رونالد لوانت، قادینلارین کیشیلره گؤره دویغوسال اولاراق داها آسان یاخین یولداشلیق قورابیلدیگینی ایفاده ائتدی.
آمریکا‌لی گنج کیشیلرین یاشادیغی اجتماعی قوپوقلوغون، قادینلارا گؤره اؤزونو اؤلدورمه نیسبتلرینه ۴ قات داها چوخ عکس اولونماسییلا باغلی اولابیله‌جگی وورغولانان خبرده، عینی زاماندا اؤلکه‌ده‌کی توپلو سلاحلی سالدیریلارین هارداسا هامیسینی گنج کیشیلرین گئرجکلشدیریر اولماسینا دا ایشاره ائدیلدی.
