فیزیکی فعالیت هر ۱۰ ائرکن اؤلومدن بیرینی انگلله‌یه‌بیلر
اینگیلتره اولوسال ساغلیق سیستمی، ساغلیقلی بیر یاشام اوچون هفته‌ده ۱۵۰-۳۰۰ دقیقه نبضی یوکسلدن یا دا ۷۵-۱۵۰ دقیقه تمرین ائدیلمه‌سینی توصیه ائدیر
اینگیلتره‌ده ائدیله‌ن بیر آراشدیرما، تمپو‌لو یئریمک، بیسیکلته مینمک، رقص ائتمک، طبیعت یئریشینه چیخماق یا دا تنیس اویناماق کیمی گونده ۱۱ دقیقه‌لیک هر هانسی بیر فیزیکی فعالیتین هر ۱۰ ائرکن اؤلومدن بیرینی انگلله‌یه‌بیله‌جگینه ایشاره ائدیر.
کمبریج اونیوئرسیته‌سینین آراشدیرماسینین نتیجه‌لری بیلیم درگیسی بریتیش جورنل اف اسپورتس مدیسین‌ده یاییملاندی.
آراشدیرما چرچیوه‌سینده داها اؤنجه بو ساحه‌ده ائدیلمیش یوزلرجه چالیشمانین نتیجه‌لری دگرلندیریلدی.
اینگیلتره اولوسال ساغلیق سیستمی ان‌اچ‌اس، ساغلیقلی بیر یاشام اوچون هفته‌ده ۱۵۰-۳۰۰ دقیقه نبضی یوکسلدن یا دا ۷۵-۱۵۰ دقیقه تمرین ائدیلمه‌سینی توصیه ائدیر.
آراشدیرماچیلار تکلیف ائدیله‌ن زامانین یاریسینین ائدیلمه‌سینین بئله هر ۲۰ اۆرک-دامار راحاتسیز‌لیغی اولقوسوندان بیرینی و تخمیناً هر ۳۰ سرطان اولقوسوندان بیرینی اؤنله‌یه‌بیله‌جگینی سؤیله‌ییر.
آراشدیرمایا لیدئرلیک ائد‌ن دکتر سورن بریژ، "حرکت ائتدیگینیزی حس ائتمه‌لیسینیز. نفسسیز قالماسانیز دا اۆریینیز داها سرعتلی آتمالیدیر" دئییر.
آراشدیرمایا گؤره بونو ائتمک اۆرک خسته‌لیگی و سکته ریسکینی یوزده ۱۷، سرطان ریسکینی ده یوزده یئددی نیسبتینده آزالدابیلر.
منتظم تمرین، بدنده‌کی یاغ نیسبتینی آزالدارکن، اینسانلارین فورمدا قالمالارینی تامین ائدیر، یوخو دۆزه‌نی و اۆرک ساغلیغینا قاتقی وئریر.
