اردوغاندان دونیا غذا گونو مئساژی
"حکومت اولاراق سون ۲۱ ایلده اؤلکه‌میزین سو و غذا گوونلیگینی ضمانت آلتینا آلاجاق بیر چوخ اؤنملی پروژه‌نی حیاتا گئچیردیک"
جمهورباشقانی رجب طیب اردوغان، تورکیه‌نین بیرلشمیش میللتلر ایله بیرلیکده باشلاتدیغی قاراد‌نیز گیریشیمی ایله دونیا بازارلارینا ۳۳ میلیون تن تاخیل محصولو گؤندریلمه‌سینی تامین ائد‌رک، کوره‌سل آجلیق بحرانی تهلوکه‌سینین اؤنونه گئچدیگینی ایفاده ائتدی.
جمهورباشقانی اردوغان، ایستانبول‌دا اکینچیلیک و اورمان باخانلیغی ایله بیرلشمیش میللتلر غذا و اکینچیلیک تشکیلاتی (فائو) امکداشلیغی ایله تشکیل ائدیله‌ن ۲۰۲۳ دونیا غذا گونو پروگرامینا ویدئو مئساژ گؤندردی.
بو ایلکی فعالیتین، "سو حیاتدیر، سو غذا دئمکدیر. کیمسه‌نی گئریده قویما" قونوسویلا تشکیل ائدیلدیگینه توخونان اردوغان، بو اؤنملی قونو آلتیندا تشکیل ائدیله‌جک فعالیتلرین حیات قایناغی سویا باغلی فرقینده‌لیگی آرتیراجاغینا ایناندیغینی سؤیله‌دی.
تورکیه‌نین سو قایناقلارینی ان وئریملی شکیلده ایستیفاده ائتمه‌نین چاباسی ایچریسینده اولدوغونو ایفاده ائد‌ن اردوغان،
"حکومت اولاراق سون ۲۱ ایلده اؤلکه‌میزین سو و غذا گوونلیگینی ضمانت آلتینا آلاجاق بیر چوخ اؤنملی پروژه‌نی حیاتا گئچیردیک" دئدی.
جمهورباشقانی اردوغان، اینسانلیغین بیرلشمیش میللتلر داوام ائتدیریله‌بیلیر قالخینما هدفلرینین ان اؤنملی باشلیقلاری آراسیندا یئر آلان "۲۰۳۰دا صیفیر آجلیق" یاناشیمیندان گئده‌رک اوزاقلاشدیغینی وورغولایاراق،
"دونیادا هر ۹ نفردن بیری آجلیقلا بوغوشور. حال بو کی دونیادا ایللیک اولاراق ۴ ایله ۵ میلیارد تن غذا اوره‌تیلمکده‌دیر. بو میقدارین ۲۰۵۰ ایلی اوچون نظرده توتولان دونیا اهالیسینه بئله چاتاجاغی راپورلانارکه‌ن تأسف کی، گونوموز دونیا اهالیسینه یئترلی گلمیر. چونکو دونیادا هر ثانیه اوره‌تیلن ۱۲۷ تن غذانین ۲۱ تنو زیان اولور" ایفاده‌لرینی ایشلتدی.
اردوغان، سون دؤنمده تورکیه‌نین ده ایچینده اولدوغو بؤلگه‌ده یاشانان ساواش و چاتیشمالارین دا غذا بحرانینی درینلشدیردیگینی ایفاده ائد‌رک،
"بیرلشمیش میللتلر ایله بیرلیکده باشلاتدیغی قاراد‌نیز گیریشیمی ایله دونیا بازارلارینا ۳۳ میلیون تن تاخیل محصولو گؤندریلمه‌سینی تامین ائد‌رک، کوره‌سل آجلیق بحرانی تهلوکه‌سینین اؤنونه گئچدیک. باشدا آفریقا اولماق اوزره آجلیق تهلوکه‌سی ایله قارشی قارشییا اولان جغرافیالارین یوکونو یونگوللشدیرمه‌یه یؤنه‌له‌رک چابالاریمیزی داوام ائتدیریریک" شکلینده دانیشدی.
جمهورباشقانی،
"یارین دئییل بو گوندن، ۱۶ اکتبر دونیا غذا گونوندن باشلایاق، غذامیزی قورویاق، غذا اسرافینا سون وئرک" چاغریسی ائتدی.
