غزه‌لی سرطان خسته‌لری تۆرکیه‌یه گتیریلدی
خسته‌لرین ساغلیق وضعیتینی سفر بویونجا تۆرکیه‌دن ۹ نفرلیک متخصص ساغلیق پرسنلی ایزله‌دی
غزه‌دن چیخاردیلان بعضی سرطان خسته‌لری ایله باخیچیلارینی داشییان ایکی اوچاق، تۆرکیه‌یه گلدی.
مصرین العریش هاوالیمانیندان حرکت ائد‌ن اوچاقلار، باشکند آنکارادا اسن‌بوغا هاوالیمانینا ائندی.
ساغلیق باخانی فخرالدین قوجا دا غزه‌یه ساغلیق کؤمکلری، خسته‌لر و یارالیلارین تۆرکیه‌یه انتقالی اوچون دونن مصرده یئریتدیگی سیخ گؤروشمه ترافیکینین آردیندان، بعضی خسته‌لرله بیرلیکده مصردن آنکارایا قاییتدی.
ایسرائیلین سالدیریسی آلتینداکی غزه‌دن چیخاردیلاراق، العریش هاوالیمانینا آمبولانسلارلا گتیریله‌ن و جمهورباشقانلیغینا و میللی ساوونما باخانلیغینا عاید اوچاقلارا یئرلشدیریله‌ن خسته‌لری، اسن‌بوغا هاوالیمانیندا ساغلیق اکیپلری قارشیلادی.
اوچاقلاردان آمبولانسلارا نقل ائدیله‌ن خسته‌لرین معالیجه‌لرینین بیلکنت شهر خسته‌خاناسیندا ائدیله‌جگی اؤیرنیلدی.
خسته‌لرین ساغلیق وضعیتینی سفر بویونجا تۆرکیه‌دن ۹ نفرلیک متخصص ساغلیق پرسنلی ایزله‌دی.
ساغلیق باخانی فخرالدین قوجا، اولوسلارآراسی ساغلیق دیپلوماسیسی و ساحه‌ده ایجرا ائتدیکلری ایشلر نتیجه‌سینده، غزه‌دن چیخاردیلان ۲۷ خسته ایله ۱۳ باخیچینین تۆرکیه‌یه گتیریلمه‌سی ایله اؤنملی بیر آددیم آتدیقلارینی ایفاده ائد‌رک، خسته‌لرین تۆرکیه‌یه گتیریلمه‌سی ایشلرینی قرارلیلیقلا داوام ائتدیره‌جکلرینی سؤیله‌دی.
باخان قوجا،
"مصر اۆزریندن بو گونه قدر باشقا بیر اؤلکه‌یه معالیجه ائدیلمک اۆزره هر هانسی بیر خسته گؤندریلدیگی اولمادی. ایلک دفعه بو گون رفح سرحد قاپیسیندان گئچیریله‌رک بیرباشا تۆرکیه‌یه گتیریله‌ن بو خسته‌لر" دئدی.
