فرانسادا اؤۀمک ایسته‌ین خسته‌لرین "اؤلمه‌سینه کؤمک" یاساللاشاجاق
جمهورباشقانی مکرون، قانون اوچون "اوتانازی" و یا "کؤمکلی انتحار" سؤزلرینی ایشلتمه‌گی ترجیح ائتمه‌دیگینی، وضعیتی ان یاخشی آچیقلایان قاورامین "اؤلمه‌یه کؤمک" اولدوغونو بیلدیردی
فرانسا جمهورباشقانی امانوئل مکرون، یاشامینا سون وئرمک ایسته‌یه‌ن یئتیشکینلرین "اؤلمه‌سینه کؤمک" دئیه تانیملادیغی یاسانین یولونو آچاجاقلارینی بیلدیردی.
امانوئل مکرون، لَ کووآ (La Croix) و لَ لیبراسیون (La Liberation) قزئتینه وئردیگی مصاحیبه‌سینده، سؤزو گئدن قانون لایحه‌سینین آوریلده باخانلار قورولوندا اله آلیناجاغینی آچیقلادی.
جمهورباشقانی مکرون، قانون اوچون "اوتانازی" و یا "کؤمکلی انتحار" سؤزلرینی ایشلتمه‌گی ترجیح ائتمه‌دیگینی، وضعیتی ان یاخشی آچیقلایان قاورامین "اؤلمه‌یه کؤمک" اولدوغونو بیلدیردی.
"فردین اؤزارکلیگینی و اولوسون دایانیشماسینی تامین ائد‌ن" قانونون بیر حاق یا دا اؤزگورلوک اؤزللیگینده اولمادیغینی، فردلرین اؤلمه‌لرینه کؤمک ائدیلمه‌سی ایمکانینی بعضی چتین شرطلر آلتیندا یاراداجاغینی بیلدیرن مکرون، قانونون یالنیز معالیجه‌سی اولمایان خسته‌لیکلره توتولموش، قالیجی فیزیکی و یا روحی آجی ایچینده اولان، تام و آچیق آییرد ائتمه قابیلیتینه صاحب یئتیشکینلر اوچون اولاجاغینی ایفاده ائتدی.
طبی پرسنلین فرده اؤزونو اؤلدورمه‌سی اوچون واسطه‌لر تامین ائتدیگی کؤمکلی انتحارا یا دا شخصین طلبی اوزرینه حیاتینا سون وئرمک مقصدی ایله دکترون آکتیو رول اوینادیغی اوتانازیه بلژیک، هلند، لوکزامبورگ و ایسپانیا کیمی آوروپا اؤلکه‌لرینده قانونی اولاراق ایجازه وئریلیر.
کانادا، کلمبیا، استرالیا و یئنی زلاند دا اوتانازینین یاساللاشدیغی اؤلکه‌لر آراسیندا یئر آلیر.
