هر ۶ ثانیه‌ده ۱ اوشاق اؤلور
بیرلشمیش میللتلر اوشاق اؤلوملری تخمینلری قورولوشلار آراسی قروپونون ۲۰۲۲.جی ایله عاید بیلگیلرله حاضیرلادیغی راپورو آچیقلاندی
۵ یاش آلتی اوشاق اؤلوملرینده‌کی دۆشوشه باخمایاراق هر ۶ ثانیه‌ده ۱ اوشاق اؤلور.
بیرلشمیش میللتلر اوشاق اؤلوملری تخمینلری قورولوشلار آراسی قروپونون ۲۰۲۲.جی ایله عاید بیلگیلرله حاضیرلادیغی راپورو آچیقلاندی.
راپورا گؤره، ۵ یاشینی دولدورمادان حیاتینی ایتیره‌ن اوشاقلارین ساییسی ۲۰۲۲ده ان آشاغی سویه‌یه ائنه‌رک ۴،۹ میلیونا گئریله‌دی. کۆره‌سل اولاراق ۵ یاش آلتی اوشاق اؤلوم نیسبتی ده ۲۰۰۰دن بو یانا یوزده ۵۱ دۆشدو.
۲۰۲۲ده ۵ یاش آلتی ۴،۹ میلیون اوشاغین یانیندا ۵-۲۴ یاش آراسی ۲،۱ میلیون اوشاق و گنج حیاتینی ایتیردی. بو اؤلوملر سیخ اولاراق صحرا آلتی آفریقا و گونئی آسیادا گؤرولدو.
کۆره‌سل اولاراق ۵ یاش آلتی اوشاق اؤلوملرینده ثبت ائدیلن آزالمایا باخمایاراق هر ۶ ثانیه‌ده بیر اوشاغین حیاتینی ایتیردیگی ایفاده ائدیلدی.
بیر چوخ اورتا و آشاغی گلیرلی اؤلکه‌ده اوشاق اؤلوملری آزالدی. قایناقلارین تمل ساغلیق خیدمتلرینه و اوشاق ساغلیغینا کیفایت قدر تخصیص ائدیلمه‌سی حالیندا بو مؤوضوعدا داها چوخ ایر‌لیله‌مه تامین ائدیله‌جگی ایفاده ائدیلدی.
مؤوجود شرطلرده ۵۹ اؤلکه، بیرلشمیش میللتلرین تعیین ائتدیگی سۆردوروله‌بیلیر قالخینما هدفینده‌کی ۵ یاش آلتی اوشاق اؤلوملرینده ایسته‌نیله‌ن سویه‌نی یاخالامایاجاق، ۶۴ اؤلکه ایسه یئنی دوغولان اوشاق اؤلومو هدفینین گئریسینده قالاجاق.
