کووید-۱۹ یاشام سۆره‌سینی آزالتدی
دونیادا گؤزله‌نیله‌ن حیات مدتینین ۲۰۱۹ ایله ۲۰۲۱ آراسیندا ۱،۵ ایلده‌ن چوخ آزالدیغی اورتایا چیخدی
یئنی نسیل کوروناویروس (کووید-۱۹) سالقینی نتیجه‌سینده، دونیادا گؤزله‌نیله‌ن حیات مدتینین ۲۰۱۹ ایله ۲۰۲۱ آراسیندا ۱،۵ ایلده‌ن چوخ آزالدیغی اورتایا چیخدی.
کۆره‌سل خسته‌لیک یوکو (گ‌ب‌د) چالیشماسینین ۱۹۵۰-۲۰۲۱ ایللرینده ۱۹۵ اؤلکه‌ده‌کی اؤلوم نیسبتلری و گؤزله‌نیله‌ن حیات مدتلری آنالیزینین یانیندا آنکتلر، جمعیت ساییملاری و دیگر قایناقلاردان الده ائدیله‌ن بیلگیلردن فایدالانیلان بیر آراشدیرماسیندا، اؤزللیکله کووید-۱۹ سالقینی دؤنمینه تمرکز ائدیلدی.
واشینگتن اونیوئرسیته‌سی ساغلیق اؤلچوملری و دگرلندیرمه انستیتوسو طرفیندن یئریدیلن آراشدیرمادا، دونیادا گؤزله‌نیله‌ن حیات مدتینین ۲۰۱۹ ایله ۲۰۲۱ آراسیندا ۱،۵ ایلده‌ن چوخ آزالدیغی و گئچمیشده‌کی آرتیشلارین کسکین شکیلده ترسینه دؤندوگو معین اولوندو.
ساغلیق اؤلچوملری و دگرلندیرمه انستیتوسوندا وظیفه یئرینه یئتیره‌ن آراشدیرماچیلاردان دکتر آستین ائ. شوماخر، کووید-۱۹ سالقینین دونیادا‌کی یئتیشکینلر اوزرینده درین تأثیر بوراخدیغینی ایفاده ائد‌رک، "سالقین سیراسیندا، اؤلکه‌لرین و بؤلگه‌لرین یوزده ۸۴ونده گؤزله‌نیله‌ن حیات مدتی آزالدی. بو وضعیت، یئنی پاتوژنلرین داغیدیجی پتانسیل تاثیرلرینی اورتایا قویور" ایفاده‌لرینی ایشلتدی.
گؤزله‌نیله‌ن حیات مدتی، بیر نفرین اورتالاما نه قدر یاشادیغینی اورتایا قویان آماری بیر اؤلچود.
آراشدیرمانین آیرینتیلاری، "د لنست" آدلی درگیده یاییملاندی.
