ان موتلو گنجلر ایسکاندیناو اؤلکه‌لرینده
گنجلرین گئده‌رک داها چوخ موتسوز اولدوقلاری اورتایا قویولدو
ان موتلو گنجلر ایسکاندیناوی اؤلکه‌لرینده یاشاییرلار.
آمریکا بیرلشمیش دؤولتلری مرکزلی مشاویره شیرکتی گالوپ، آکسفورد اونیوئرسیتئه‌سی ویل‌بینگ آراشدیرما مرکزی و بیرلمیش میللتلر داوام ائتدیریله‌بیلیر قالخینما چؤزوملری شبکه‌سی طرفیندن یاییملانان دونیا موتلولوق راپورو، اینگیلتره، آوروپا، آمریکا و استرالیاداکی ۱۵-۲۴ یاش آراسی گنجلر اساس آلاراق حاضرلاندی.
راپور‌دا، گنجلرین گئده‌رک داها چوخ موتسوز اولدوقلاری اورتایا قویولدو.
راپور‌دا، گنجلر و یاشلیلار آراسینداکی اقتصادی برابرسیزلیگین، تحصیل، باجاریق تعلیمی و اویغون قیمتلی ائو پروبلئمینین ده گنجلرین موتسوزلوغوندا تأثیرلی اولدوغو بیلدیریلدی. آیریجا، سوسیال مئدیانین گنجلرده اؤزسایغینین آزالماسیندا و گنجلرین رفاهینین دۆشمه‌سینده بؤیوک تأثیری اولدوغونا دقت چکیلدی.
راپورا گؤره، گنجلر گون گئچدیکجه موتسوز اولان عائله‌لرینه داها چوخ بنزییر، بؤیوکلری کیمی الده‌ن دۆشموش و یورغون اولماق ایسته‌میر، اونیوئرسیته‌لری آکادمیک ضمانت اولاراق گؤره‌بیلمیر و لیسانس تحصیلی آلمامیش شخصلرین ایسه داها چوخ چتینلیکله قارشی قارشییا قالاجاغینی دۆشونور.
ان موتلو گنجلرین فنلانددا اولدوغو ایفاده ائدیله‌ن راپور‌دا، موتلو گنجلرین اولدوغو ایلک ۱۰ سیرالاماسیندا، یئنه ایسکاندیناو اؤلکه‌لری اولان دانمارک، ایسلند، نروژ و سوئد ده یئر آلدی.
راپور‌دا، ان موتلو گنجلرین اولدوغو اؤلکه‌لر سیرالاماسیندا آمریکانین ۲۳، آلمانیانین ایسه ۲۴.جو سیرادا اولدوغو ایفاده ائدیلدی.
