عراقدا سئل جان آلدی
عراقین قوزئیینده ۲ گوندور یاغان شدتلی یاغیشلار حیات آخیشینا منفی تأثیر ائتمه‌یه داوام ائدیر
عراقدا شدتلی یاغیشلارین یول آچدیغی سئل فلاکتینده ۴ نفر حیاتینی ایتیردی، ۸ شهرده تعطیل اعلان ائدیلدی.
عراقین قوزئیینده ۲ گوندور یاغان شدتلی یاغیشلار حیات آخیشینا منفی تأثیر ائتمه‌یه داوام ائدیر.
بغداد، اربیل، دوهوک، کرکۆک، موصول، واسط، انبار و دیاله‌ده پیس هاوا شرطلری سببی ایله رسمی تعطیل اعلان ائدیلدی. والیلیکدن وئریله‌ن آچیقلامادا، تعطیلین بلدیه تشکیلاتلاری ایله گۆونلیک گۆجلرینه شامیل اولمادیغی بیلدیریلدی.
سئل فلاکتیندن ان چوخ تأثیرلنه‌ن دوهوک شهرینده حیاتینی ایتیره‌نلرین ساییسینین ۲نفرد‌ن ۴ نفره یۆکسلدیگی ایفاده ائدیلدی.
دوهوک مۆلکی مدافعه مۆدورلوگو سؤزچوسو آلبای بیوار عبدالعزیز وئردیگی آچیقلامادا، سئل سببی ایله یارالانان بیر نفرین قالدیریلدیغی خسته‌خانادا قورتاریلابیلمه‌دیگینی، ۱۵ یاشیندا بیر اوشاغین ایسه برق توتماسی نتیجه‌سینده حیاتینی ایتیردیگینی سؤیله‌دی.
اؤلکه‌نین گونئیینده ده شدتلی یاغیشلارین تأثیرلی اولدوغو ایفاده ائدیلدی.
