بیر خستهیه دونوز بؤیرهگی جالاقلاندی
جراحلارین ۱۶ مارسدا ژنتیکی دییشدیریلمیش بیر دونوز بؤیرهگینی نقل ائتدیگی ۶۲ یاشینداکی ریچارد سلایمانین وضعیتینین یاخشییا گئتدیگی بیلدیریلدی
آمریکا بیرلشمیش دؤولتلرینین بوستون شهرینده دکتر، بیر خستهیه ژنتیکی دییشدیریلمیش دونوز بؤیرهگی جالاقلاندی.
ماساچوستس خستهخاناسیندان وئریلهن آچیقلامادا، جراحلارین ۱۶ مارسدا ژنتیکی دییشدیریلمیش بیر دونوز بؤیرهگینی نقل ائتدیگی ۶۲ یاشینداکی ریچارد سلایمانین وضعیتینین یاخشییا گئتدیگی و یاخین زاماندا خستهخانادان بوراخیلماسینین گؤزلهنیلدیگی بیلدیریلدی.
دکتر تاتسوو کاوایی، بو جالاقلاما عملیاتینین بؤیرهک چاتمازلیغی اولان میلیونلارجا اینسانا کؤمک الی اوزاتماسینی اومود ائتدیکلرینی وورغولادی.
حیوان حجره، توخو یا دا اورگانلارینین، باغیش گؤزلهیهن اینسانلارا نقل ائدیلمهسی اولاراق بیلینهن "کسئنوترانسپلانتاسیون" معالیجهسی، می ۲۰۲۲ده بئیین اؤلومو گئرچکلشمیش ایکی خستهیه گئچیجی دونوزدان بؤیرهک جالاغی ائدیلمهسی ایله سینانمیشدی.
مریلند ایالتیندهکی بیر خستهخانادا، ۷ ژانویهده ۲۰۲۲ده ایلک دفعه دونوز اورهگی نقل ائدیلهن ۵۷ یاشینداکی دیوید بنت، عملیاتدان ۲ آی سونرا حیاتینی ایتیرمیشدی.
عینی خستهخانادا، ۲۰ سپتامبردا ایکینجی دفعه دونوزدان اینسانا اورهک نقلی عملیاتی ائدیلمیش، نقلین ائدیلدیگی ۵۸ یاشینداکی لاورنس فوست عملیاتدان ۶ هفته سونرا حیاتینی ایتیرمیشدی.