سیگار چکمک ایچ اورگان یاغلانماسینا سبب اولابیلر
بیلیم اینسانلاری تخمیناً ۱،۷ میلیون سیگار چکهنین بیلگیلرینی آراشدیردی
سیگار چکهنلرده ایچ اورگان یاغلانماسی، ایچمهیهنلره گؤره داها چوخ اولابیلر.
ادکشین درگیسینده یاییملانان آراشدیرمادا، بیلیم اینسانلاری تخمیناً ۱،۷ میلیون سیگار چکهنین بیلگیلرینی آراشدیردی.
کوپنهاگ اونیوئرسیتهسیندن آراشدیرماچیلار، بو چرچیوهده سیگار مصرفینین ایچ اورگان یاغلانماسینی آرتیرابیلدیگینی اورتایا قویدو.
آراشدیرما قروپو لیدئری دکتر گرمن کاراسکویلا، "خالق ساغلیغی باخیمیندان باخیلدیغیندا، بو بیلگیلر سیگار چکمهیی اؤنلهمهیه و آزالتماغا دایر چابالارین اؤنمینی گوجلندیریر. چونکو بو ایچ اورگانلارداکی یاغلایارین و بونونلا باغلانتیلی بوتون مزمن/کرونیکی خستهلیکلرین آزالدیلماسینا دا کؤمکچی اولابیلر" دگرلندیرمهسینی وئردی.
کاراسکیلا، ایچ اورگان یاغلانماسی ریسکینی آزالتمانین، دیگر اؤنملی خستهلیک ریسکلرینی ده آزالتدیغینی ایفاده ائتدی.
متخصصلر، ایچ اورگانلاری ساران بو یاغلانما نؤوعونون اورک خستهلیکلری، دیابت، دمانس و فلج ریسکی ایله باغلانتیسی اولدوغو اویاریسینی ائتدی.
بیلیم اینسانلاری، داها آریق بدن تیپینه صاحب شخصلرده ده اؤنملی اؤلچوده ایچ یاغلانما اولابیلهجگینه، بونون دا جدی خستهلیک ریسکی تشکیل ائتدیگینه دقت چکدی.