اوشاقلیق چاغینداکی حرکتسیزلیک دامار سرتلشمه‌سینی آرتیرابیلر
بیلیم اینسانلاری، آراشدیرمادا، اوشاقلار و گنجلرده‌کی حرکتسیزلیک مدتینین گونده ۶ ساعاتدان ۹ ساعاتا چیخماسینین دامار سرتلشمه‌سینی تخمیناً یوزده ۱۰ آرتیردیغینی تاپدی
اوشاقلیق و گنجلیک چاغلارداکی حرکتسیز حیات طرزینین دامار سرتلشمه‌سینی آرتیرابیلدیگی معین ائدیلدی.
اینگیلتره‌ده‌کی آکسفورد، بریستول و اکستر اونیوئرسیته‌لری ایله دوغو فنلاند اونیوئرسیته‌سیندن بیلیم اینسانلارین ائتدیگی اورتاق آراشدیرمادا، ۱۱ ائله ۲۴ یاشلارینداکی ۱۳۳۹ اوشاق و گنج آراشدیریلدی.
بو چرچیوه‌ده، ۱۳ ایل بویونجا ۱۳۳۹ نفرین دامار سرتلیگی معین پریودلارلا کنترل ائدیلدی.
بیلیم اینسانلاری، آراشدیرمادا، اوشاقلار و گنجلرده‌کی حرکتسیزلیک مدتینین گونده ۶ ساعاتدان ۹ ساعاتا چیخماسینین دامار سرتلشمه‌سینی تخمیناً یوزده ۱۰ آرتیردیغینی تاپدی.
اؤته یاندان، چالیشمادا، یاشلانمانین دا دامار سرتلیگینی آرتیردیغی و بونون ایسه یئتیشکینلرده گنج یاشدا اؤلوم ریسکینی یوزده ۴۷ آرتیرابیلدیگی وورغولاندی.
آیریجا آراشدیرمادا، گونده ان آز ۳ ساعاتلیق یونگول فیزیکی فعالیتین دامار سرتلشمه‌سی ریسکینی ان آزا ائندیرمه‌یه کؤمک ائده‌بیله‌جگی ایفاده ائدیلدی.
دوغو فنلاندی اونیوئرسیته‌سینده دکتر آندرو آگباژه، "چالیشمالاریمیز، اوشاقلیق چاغینداکی حرکتسیزلیگین ساغلیق اوچون سانیلاندان داها تهلوکه‌لی اولدوغونو وورغولاییر کیمی گؤرونور" دگرله‌ندیرمه‌سینی وئردی.
آراشدیرمانین بولقولاری، "آکتا فیزیولوجیکا" درگیسینده یاییملاندی.
