افغانیستاندا لئیسان یاغیشلارین یاراتدیغی داشقینلاردا 19 نفر اؤلوب
افغانیستان میللی فلاکت اداره‌سی طرفیندن وئریلن آچیقلامادا سئل نتیجه‌سینده 1142 هکتار اکینچیلیک ساحه‌سینین سو آلتیندا قالدیغی، 11450 باش حیوانین تلف اولدوغو بیلدیریلیب
افغانیستانین بیر چوخ بؤلگه‌لرینده لئیسان یاغیشلارین یاراتدیغی داشقینلاردا 19 نفر، ایلدیریم وورماسی نتیجه‌سینده ایسه 7 نفر اؤلوب.
غور ایالتی و هرات شهرینده لئیسان یاغیشلارین سبب اولدوغو سئلده 8 نفر حیاتینی ایتیریب.
افغانیستان میللی فلاکت اداره‌سی طرفیندن وئریلن آچیقلامادا سئل نتیجه‌سینده 1142 هکتار اکینچیلیک ساحه‌سینین سو آلتیندا قالدیغی، 11450 باش حیوانین تلف اولدوغو بیلدیریلیب.
افغانیستان میللی فلاکت اداره‌سی 189 ائوین تامامیله و یا قسمی داغیلدیغینی و داشقیندان ضرر چکمیش اراضیلرده یاردیم ایشلرینین عینی واختدا داوام ائتدیگینی بیلدیردی.
هرات ساکینلری 30-ا یاخین ائوین تامامیله داغیلدیغینی، عینی عائله‌دن 4 نفرین اؤلدویونو بیلدیردیلر.
غور ایالتینین چهارسده و مرغاب بؤلگه‌لری آراسینداکی یول نقلیات اوچون باغلانیب و 500 عائله مجبوری کؤچکون دوشوب.
افغانیستانین کؤچ و قاچقینلار ناظیرلیگی کؤچکون عائله‌لرین داغلاردا آچیق هاوادا یاشادیغینی و تعجیلی یاردیما ائحتیاجی اولدوغونو بیلدیریب.
ناظیرلیک جان ایتکیسینین آرتا بیله‌جیی ایله باغلی خبردارلیق ائدیب.
اروزقان ایالتینده ایلدیریم وورماسی نتیجه‌سینده 7 نفر اؤلوب، 10 نفر یارالانیب.
فراه ایالتینده ده جیدّی مادی زیان دَیدیگی بیلدیریلیر.
