گونئی آفریقادا اوچان بینادا اولنلرین ساییسی آرتیر

گونئی آفریقا جمهوریتینین جورج شهرینده، تیکیم حالینداکی چوخ قاتلی بینانین چؤکمه‌سی نتیجه‌سینده اؤلن ایشچیلرین ساییسی ۸ نفره یوکسلدی.

جورج بلدیه‌سیندن وئریله‌ن آچیقلامادا، ۷۵ ایشچینین ییخینتی آلتیندا قالدیغی بینانین ییخینتیسیندان ایندییه قدر ۳۷ ایشچینین چیخاریلدیغی بیلدیریلدی.

حادثه‌ده حیاتینی ایتیره‌نلرین ساییسینین ۸ نفره یوکسلدیگی بیلدیریلدی.

آغیر یارالانان ۲۲ ایشچیدن ۶سینین حیاتی تهلوکه‌سی اولدوغونون ایفاده ائدیلدیگی آچیقلامادا، ۷ ایشچینین ده یونگول یارالی اولدوغو بیلگیسی پایلاشیلدی.

ییخینتی آلتیندا قالان ۳۸ ایشچی ایله ارتباط قورولابیلمیر.

ییخینتیدا آختارما قورتارما ایشلری آرالیقسیز داوام ائدیر.

جورج شهرینین مرکزینده، ویکتوریا و یورک جاده‌لرینین بوجاغیندا، بلدیه بیناسینین بیتیشیینده یئر آلان تیکیم حالینداکی چوخ قاتلی بینا، ۶ می‌ده اوچموشدو.