برزیلده داشقین نتیجهسینده اؤلنلرین سایی آرتیب
دؤلت مولکی مودافیعهسی طرفیندن وئریلن آچیقلامادا اؤلنلرین سایینین 107-یه، ایتکین دوشنلرین سایینین ایسه 136-یا یوکسلدیگی بیلدیریلیب
برزیلده داشقین نتیجهسینده اؤلنلرین سایی 107-یه یوکسلیب.
اؤلکهنین گونئییندهکی ریو گرانده-دو-سول ایالتینده اؤتن هفتهدن بری یاغان یاغیشلاردان سونرا باش وئرن داشقینلار سببیندن جان و مال ایتکیلری آرتیر.
دؤلت مولکی مودافیعهسی طرفیندن وئریلن آچیقلامادا اؤلنلرین سایینین 107-یه، ایتکین دوشنلرین سایینین ایسه 136-یا یوکسلدیگی بیلدیریلیب.
آچیقلامادا 374 یارالییا طیبی یاردیم گؤستریلدیگی، آختاریش-خیلاص ائتمه ایشلرینین آرالیقسیز داوام ائتدیگی بیلدیریلیب.
یئرلی مطبوعاتین معلوماتینا گؤره، هله ده مینلرله اینسانا الکتریک انرژیسی و اینترنت خیدمتی وئریلمیر؛ اؤلنلرین سایینین داها دا آرتاجاغی تخمین ائدیلیر.
ریو گرانده-دو-سول والیسی ادواردو لئیته می آیینین 3-ده وئردیگی آچیقلامادا فاجیعهنین بؤیوکلویونه گؤره 180 گون عرضینده "فلاکت وضعیتی" اعلان ائتدیکلرینی بیلدیریب.
طبیعی فلاکتدن ضرر چکمیش اراضیلره ایکی دفعه صفر ائدن پرزیدنت لولا دا سیلوا بؤلگهنی برپا ائدهجکلرینی بَیان ائدیب.