اردوغان، اقتصادی اصلاحات پاکتینی آچیقلادی
"تورکیه‌نی دونیانین ان بؤیوک ۱۰ اقتصادینا صاحب اؤلکه‌لردن بیری حالینا گتیرمک اوچون گئجه گوندوز چالیشاراق هدفیمیزه موطلق چاتاجاغیق"
جمهورباشقانی رجب طیب اردوغان، تورکیه‌نی دونیانین ان بؤیوک ۱۰ اقتصادینا صاحب اؤلکه‌لردن بیری حالینا گتیرمک اوچون گئجه گوندوز چالیشاراق هدفلرینه موطلق چاتاجاقلارینی سؤیله‌دی.
پرزیدنت اردوغان، ایستانبول خلیج کنگره مرکزین‌ده اقتصاد اصلاحاتی پاکتینی آچیقلادی.
بونا گؤره؛
بورجلانمالار اساساً تورک لیره‌سی ایله اولاجاق
دؤولت ایداره‌لرین‌ده قناعت آنلاییشی یایغینلاشدیریلاجاق
گلیری آز اولان کیچیک اصنافا وئرگی معافیتی تطبیق ائدیله‌جک
۷ گون ۲۴ ساعت خیدمت وئره‌جک تورکیه دیجیتال وئرگی شعبه‌سی آچیلاجاق
تورملا موباریزه چرچیوه‌سین‌ده ارزاق اصرافینی آزالتماق اوچون تارلادا و بازارلاردا قالان تزه میوه و یاشیللیقلارین یئنیذن بازارا چیخاریلماسی اوچون مکانیزملر گلیشدیریله‌جک
دیجیتال اکین‌چی‌لیک بازاری سایه‌سین‌ده بوتون اکینچیلر محصوللارینا بازار تاپابیله‌جکلر
ارکن اویاری سیستمی ایله، اوره‌تیم، بیریئرده و پراکنده ارزاق زنجیرینین بوتونو آنلیق اولاراق تتعقیب ائدیله‌جک
تورمدا ریسک یارادان یاپیسال شوک‌لاری دگرلندیرمک، لازیم اولان سیاستلری معینلشدیرمک و ایداره ائتمک اوچون قیمت ثابت‌لیگی کمیته‌سی یارادیلاجاق
ایشلنمه‌میش ارزاق قیمتلرین‌ده‌کی آراچیلیق قیمتلرینین دوشورولمه‌سی اوچون آددیملار آتیلاجاق
دیجیتال پولون اقتصادی، تکنولوژیک و حقوقی آلت‌یاپیسینی اولوشدوراجاق آددیملار آتیلاجاق
فردی امکلیلیک سیستمی، داها گئنیش کسیملره یاییقینلاشدیریلاجاق، ۱۸ یاش آلتینداکی اوشاقلارین سیستمه گیرمه‌سیقارشیسینداکی مانع‌لر آرادان قال‌دیریلاجاق
صنایع‌ده پتانسیل آرتیشی تامین ائدیله‌جک و رقابت گوجونون بیر اوست سویه‌یه داشییاجاق آددیملار آتیلاجاق
یئنی‌لیک‌چی و گوجلو بیر ساغلیق صنایعینی گلیشدیرمک اوچون جمهورباشقانلیغینا باغلی ساغلیق صنایعی باشقانلیغی اولوشدورولاجاق
جمهورباشقانلیغی حمایه‌سینده یازیلیم و دونانیم صنایعی باشقانلیغی قورولاجاق
الکتریک انرژی‌سی ساخلاما تاسیس‌لرینین قورولماسی اوچون قانونی آلت‌یاپی تاماملاناجاق و انرژیده خارجه باغیملی‌لیغی آزالتان سیاستلر فعال شکیل‌ده حیاتا گئچیریله‌جک
صادرات محصوللارینین بازارلارا داها سرعت‌لی و داها اوجوز خرجلرله چاتماسی اوچون یورددیشیندا لجستیک مرکزلری قورولاجاق
گله‌جگین مسلک‌لرینده یئنی ایش ایمکانلاری اولوشدورماق اوچون دستکلر یئنی‌دن گؤزدن کئچیریله‌جک
یئنی نسیل کوروناویروس (کووید-۱۹) سالغینینین استخدام بازارلارین‌دا اولوشدوردوغو ووردوغو زیانی آرادان قالدیرماق اوچون علاوه استخداما مالی دستک آدی آلتین‌دا یئنی بیر دستک مود‌لی گتیریله‌جک. شیرکتلره استخدام کرئدیلری وئریله‌جک
یورددیشینا معلومات گؤندریلمه‌سی اوچون آوروپا بیرلیگی دوزنلمه‌لرینه اویغون اولاراق فردی معلوماتین قورونماسی قانونون‌دا، دییشیک‌لیکلر ائدیله‌جک
پراکنده تیجارت‌ده عدالت‌سیز تیجارت اویقولامالارینین آرادان قالدیرلماسی آماجی ایله آوروپابیرلیگی قانونلارینا اویغون یئنی دوزنله‌مه‌لر ائدیله‌جک‌دیر
مصرفچی‌لرین قورونماسی و بازاردا عدالت‌سیز رقابتین قارشی‌سینی آلماق اوچون مستقیل بیر بازار نظارت و تفتیش قورومو قورولاجاق
ایلگیلی‌لی خبرلر
تورکیه‌نین صنایع ایستحصالی آرتدی
تورکیه استاتیستیک تشکیلاتی (تویک) نتیجه‌لرینه گؤره، صنایع ایستحصالی ایندکسی یوزده 4.3 آرتیب
