بردیمحمدوو و آتامبایئو تورکیهده
تورکمنیستان دؤولت باشقانی و قیرقیزیستان پرزیدنتی تورکیهده
تورکمنیستان دؤولت باشقانی و قیرقیزیستان پرزیدنتی تورکیهده.
تورک شوراسینین 4.جو ذیروهسی اوچون تورکیهیه گلن تورکمنیستان دؤولت باشقانی قوربانقولو بردیمحمدوو، پرزیدنت عبدالله گول طرفیندن دونن چانکایا کؤشکونده رسمی مراسیمله قارشیلاندی.
آردیندان باش باشا و هیاتلر آراسی گؤروشمهلره گئچیلدی.
گول، تشکیل ائدیلن اورتاق مطبوعات کنفرانسیندا، تورکمنیستان ایله ایلیشکیلرین مکمل سویهده اولدوغونا وورغو ائدهرک، " ایلیشکیلریمیزین هر ساحهده داها دا گلیشدیریلمهسی یولوندا ایرادهمیزی اورتایا قویدوق. تورکمنیستانلا مکمل یئریین ایلیشکیلریمیزین ان اؤنملیلری اقتصادی و تیجاری ساحهده گرچکلشمکدهدیر" دئدی.
بردیمحمدوو دا سفرینین هدفینه چاتدیغینی سؤیلهدی.
بردیمحمدوو داها سونرا باشباخان اردوغان ایله گؤروشمک و شرفینه وئریلن گوناورتا یئمیینه قاتیلماق اوزره باشباخانلیق رسمی قونودونا گئچدی.
بردیمحمدوو، مجلیس باشقانی جمیل چیچکله ده مجلیسدکی مقامیندا گؤروشدو.
پرزیدنتی عبدالله گول، تورکمنیستان دؤولت باشقانی بردیمحمدووون شرفینه چانکایا کؤشکونده آخشام یئمهیی وئردی.
گول، یئمکده ایکی اؤلکه آراسینداکی ایلیشکیلرده سون 7 ایلی دگرلندیرهرک، "بیر باخیما، تورکیه - تورکمنیستان ایلیشکیلریندکی قیزیل چاغین تظاهرودور. مقصدیمیز، بو گئدیشی محافظه ائدهرک، امکداشلیغیمیزین یئنی اؤلچولر قازاندیرمایی داوام ائتدیرمکدیر" دئدی.
بردیمحمدوو دا، سفرینین ایکی اؤلکه آراسینداکی ایلیشکیلرین گلیشمهسینه و زنگینلشمهسینه بؤیوک قاتقی وئرهجیینه ایناندیغینی ایفاده ائتدی.
بردیمحمدوو، پرزیدنت گوله مختومقولو فیراغی نیشانی تاخدی.
قیرقیزیستان پرزیدنتی آلمازبئک آتامبایئو ده، دونن چانکایا کؤشکونه چیخان باشقا لیدئر اولدو.
آتامبایئو، ایلک اولاراق، پرزیدنت عبدالله گول طرفیندن قارشیلاندی و ایکی پرزیدنت باش باشا گؤروشمهیه گئچدی.
آتامبایئو، داها سونرا باشباخانلیغا گئچهرک باشباخان اردوغان ایله بیر آرایا گلدی.
ایکی لیدئر، باش باشا گؤروشمهنین آردیندان تورکیه-قیرقیزیستان یوکسک سویهلی ایستراتژیک امکداشلیق شوراسینین توپلانتیسینا قاتیلدی.
توپلانتینین آردیندان آتامبایئو ایله اردوغان طرفیندن امکداشلیق پروتوکولو ایمضالاندی و ایکی لیدئر کامئرالارین قارشیسینا گئچهرک اورتاق مطبوعات آچیقلاماسی دوزنلهدی.
اردوغان، قیرقیزیستانین بیر دییشییم و دؤنوشوم ایچریسینده اولدوغونو، بو مدتده سیاسی، حربی، اقتصادی، تیجاری، مدنی، ائییتیمه دایر ایلیشکیلرین آرتدیغینی سؤیلهدی.
اردوغان، بو آندا قیرقیزیستانلا خاریجی تیجارت حجمینین 426 میلیون دولار اولدوغونو ایفاده ائدهرک، "هدفیمیز 2015 سونونا قدر بونو بیر میلیارد دولارا چاتدیرابیلمک" دئدی.