تورک کنه‌شی تورکیه‌ده توپلاندی
تورک اؤلکه‌لری امکداش‌لیق شوراسی 4.جو ذیروه‌سی تورکیه‌نین ائو صاحیبلیگینده باشلادی
تورک اؤلکه‌لری امکداش‌لیق شوراسی 4.جو ذیروه‌سی تورکیه‌نین ائو صاحیبلیگینده باشلادی. ذیروه‌نین قونوسو "توریزمده امکداش‌لیق".
دونن موغلانین بودروم ائلچه‌سینده باشلایان ذیروه‌یه جمهورباشقانی عبدالله گولون یانیندا، آذربایجان پرزیدنتی ایلهام علی‌یئو، قازاقیستان پرزیدنتی نورسلطان نظربایئو، قیرقیزستان پرزیدنتی آلمازبئک آتامبایئو، تورکمنیستان دؤولت باشقانی قوربان‌قولو بردی‌محمدوو و چوخ ساییدا باخان قاتیلدی.
ذیروه، خاریجی ایشلر باخانلاری کونفرانسییلا باشلادی. خاریجی ایشلر باخانی احمد داووداوغلو، ذیروه‌نین آچیلیشیندا، تورک دونیاسی‌نین ائتکیله‌شیم‌ینی ساغلایان تاریخی "ایپک یولو"نون یئنی‌دن جانلاندیریلاجاغینی سؤیله‌دی.
ذیروه‌یه قاتیلان لیدئرلر ده بو گون بیر آرایا گله‌جک. توریزم امکداش‌لیق قونوسوندا باخانلیقلار سویه‌سینده آتیلان آددیم‌لارین نتیجه‌لری دؤولت باشقان‌لاری شوراسی توپلانتیسینا سونولاجاق. تورک کنه‌شی‌نین باش کاتیبی طرفیندن، ذیروه سونوج‌لاری‌نین اله آلیناجاغی بیر مطبوعات کنفرانسی تشکیل ائدیله‌جک.
اؤته یاندان، پرزیدنت عبدالله گول ذیروه‌یه قاتیلان لیدئرلرله ایکی‌لی گؤروشمه‌لر گرچکلشدیردی. گؤروشمه‌لرده انرژی، نقلیات و مدنیت ساحه‌لرین‌دکی ایش بیرلیگینده سومود آددیم‌لار آتیلماسی قرارلاشدیریلدی.
گؤروشمه‌لردن سونرا، پرزیدنت گول، قوناق‌لاری شرفینه آخشام یئمه‌یی وئردی.
ایلگیلی‌لی خبرلر
قازاخیستان-دا داشقین‌لاردان سونرا 54،7 مین نفر ائولرینه قاییدیب
بو باره‌ده فوق العاده حال‌لار ناظیرلیگی‌نین مطبوعات خیدمتی معلومات یاییب.
