تورک کنه‌شی یئنی قرارلار آلدی
تورک لیدئرلر، اورتاق تلویزیون کانا‌لی و یاتیریم فوندو اوچون چالیشما باشلادیلماسی تعلیماتی وئردی
تورک اؤلکه‌لری امکداش‌لیق شوراسی ٤.جو ذیروه‌سی تورکیه‌نین ائو صاحیبلیگینده گرچکلشدی.
ذیروه‌نین قونوسو "توریزمده امکداش‌لیق". دونن موغلانین بودروم ائلچه‌سینده باشلایان ذیروه‌یه جمهورباشقانی عبدالله گولون یانیندا، آذربایجان پرزیدنتی ایلهام علییئو، قازاقیستان پرزیدنتی نورسلطان نظربایئو، قیرقیزستان پرزیدنتی آلمازبئک آتامبایئو، تورکمنیستان دؤولت باشقانی قوربان‌قولو بردی‌محمدوو و چوخ ساییدا باخان قاتیلدی.
آچیلیش دانیشماسیندا پرزیدنت گول، تورک جمهوریتلری آراسین‌داکی سوسیال و مدنی ائتکیله‌شیمی آرتیرماغی هدفله‌دیک‌لرینی سؤیله‌دی.
گول، اورتاق دیل، مدنیت، اینانج، تاریخ و دیرلری پایلاشان قارداش تورک دؤولتلریله باغ‌لارین گوجلندیریلمه‌سینه بؤیوک اؤنم وئردیک‌لرینی سؤیله‌دی. دؤنم باشقانی آذربایجان پرزیدنتی ایلهام علییئو، دؤنم باشقان‌لیغینی تورکیه‌یه وئردی. چیخیش‌لاردان سونرا اورتاق فعالیت بلگه‌سی ایمضالاندی.
ذیروه‌ده آلینان قرارلاری مطبوعات کنفرانسییلا دویوران تورک شوراسی‌نین باش کاتیبی خلیل آکینجی، دؤولت باشقان‌لاری‌نین تورک دیاسپورو قورولماسی قونوسوندا آنلاشدیغینی، بو دوغرولتودا آوروپا و آمریکادا تورک دیاسپورو مرکزلری قورولاجاغینی سؤیله‌دی.
تاریخی ایپک یولونون جانلاندیریلماسی هدفی یولوندا دا اورتاق توریزم پاکتی حاضیرلانماسینا قرار وئریلدی. لیدئرلر، اورتاق تلویزیون کانا‌لی و یاتیریم فوندو اوچون چالیشما باشلادیلماسی تعلیماتی دا وئردی.
