چنگیز آیتماتوو آنیلدی
ارتوغرول غازی یؤروک تورکمن درنک‌لری فدراسیونو طرفین‌دن دونن چنگیز آیتماتوو بیلگی ائوینده کئچیریلن فعالیته، یازارین اوغلو عسکر آیتماتوو و فدراسیون باشقانی اورال بوگوکساری دا قاتیلدی
اؤلومونون 6-جی ایل دؤنومونده آنیلدی
قیرقیز یازیچی‌سی چنگیز آیتماتوو، وفاتی‌نین 6-جی ایل دؤنومونده ائسکیشهیرده خاطیرلاندی.
ارتوغرول غازی یؤروک تورکمن درنک‌لری فدراسیونو طرفین‌دن دونن چنگیز آیتماتوو بیلگی ائوینده کئچیریلن فعالیته، یازارین اوغلو عسکر آیتماتوو و فدراسیون باشقانی اورال بوگوکساری دا قاتیلدی.
عسکر آیتماتوو، ائتدیگی دانیشمادا، خاطیرلاما مراسیمی‌نین آتاسی‌نین آدی‌نین وئریلدیگی بیلگی ائوینده ائدیلمه‌سین‌دن خوشبخت‌لیک دویدوغونو دیله گتیردی.
تورک دونیاسی‌نین اورتاق دگری اولان چینگیز آیتماتووون، قیرغیزیستاندا اولدوغو کیمی تورکیه‌ده ده سئویلدیگینی، اوخوندوغونو ایفاده ائدن اوغول آیتماتوو، "او، اثرلرینی اوخوجولار خاطیرلادیقجا، اوخودوقجا یانیمیزدا جان‌لی قالیر. بو گون ده آیتماتوو هامیمیزین یانیندا، بورادا، بو مراسیمده ده حاضیردیر. اونون روحو تورک میللتینه، قیرقیز میللتینه، بوتون تورک دونیاسینا روحیه وئرسین. اینسانی دگرلری اسکی‌دن اولدوغو کیمی گله‌جکده ده بیر معیار اولا‌راق قالسین "دئیه دانیشدی.
ائسکیشهیرده یاشایان قیرقیز وطنداش‌لارین دا قاتیلدیغی مراسیمین آردین‌دان آیتماتوو و بوگوکساری، قیرقیز چادیرینی و چینگیز آیتماتووون اثرلری‌نین یئر آلدیغی بیلگی ائوین‌دکی موزه‌نی گزدی....
