«وارلیق» درگیسی‌نین اکی اولاراق «تومورجوق» درگیسی یایینلاندی
مرحوم پروفسور دوکتور جواد هیئت‌ین اوشاقلارا هدیه‌سی اولاراق هر اوچ آیدا بیر یایینلاناجاق
«وارلیق» درگیسی‌نین اکی اولاراق «تومورجوق» درگیسی یایینلاندی.
1358-جی ایلدن بری دوزنلی بیر شکیلده تهراندا پروفسور دوکتور جواد هیئت‌ین ادیتورلوغوندا یایین حیاتینا باشلایان 1394-جو ایلدن اعتباراً اونون معنوی وارثی محمدرضا هیئت‌ین ادیتورلوغوندا آذربایجان تورکجه‌سی ایله آنکارادا یایینی داوام ائتدیریلن «وارلیق» درگیسی، اوشاقلارا مخصوص «تومورجوق» آدی ایله یئنی بیر یایینلاماغا باشلادی. ایلک ساییسی بوگون یایینلانان «تومورجوق» درگیسی، 40 صحیفه‌ده، تاماماً رنگلی بیچیمده و اوشاقلارین ذؤقونه اویغون رسیم، شعر، حیکایه، تاپماجا و کاغید اویونلاری ایله آنا دیلینی اؤیرنمک و یا گلیشدیرمک ایسته‌ین اوشاقلارا سلام وئردی. ایراندا آنا دیلینده تحصیل آلماقدان محروم اولان تورک اوشاقلارا هر جور دیلسل و کولتورل ملزمه سونان «تومورجوق» درگیسی، مرحوم پروفسور دوکتور جواد هیئت‌ین اوشاقلارا هدیه‌سی اولاراق هر اوچ آیدا بیر یایینلاناجاق. درگی‌نین قوروجوسو و دایمی صاحیبی: مرحوم پروفسور دوکتور جواد هیئت
درگی‌نین صاحیبی و مسئول مودورو: محمدرضا هیئت
درگی‌نین ادیتورو: محمدرضا قوچی
رسام: آیسون اینان
قرافیست: فاطما ایشیق
درگی‌نین ایمیل آدرسی: varliqtomurcuq@gmail.com
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
