"اؤزبک فوتوگرافچیلارین گؤزوندن تورکیه"
"سرگی، ایکی اؤلکه خالقلاری آراسینداکی ایلیشکیلرین گۆجلنمهسینه خیدمت ائدجک"
اؤزبکیستانین باشکندی داشکندده "اؤزبک فوتوگرافچی و ژورنالیستلرین گؤزوندن تورکیه"عکس سرگیسی آچیلدی.
داشکنددهکی عکاسلار ائوینده تشکیل اولونموش عکس سرگیسینین آچیلیشیندا داشکند ائلچیی محمد ثریا ار، تیکا داشکند پروگرام سوروملوسو علی احسان چاغلار، اؤزبکیستان اینجهصنعت آکادمیسینین باشقانی اکمل نور، اؤلکهدهکی خاریجی میسیون نمایندهلری و چوخ ساییدا دعوتلی قاتیلدی.
داشکند مطبوعات مشاویرلیغگی طرفیندن حیاتا گئچیریلهن سرگینین آچیلیشیندا دانیشان ائلچی ار، اؤزبکیستاندا ایلک دفعه "اؤزبکیستانلی فوتوگراچی و ژورنالیستلر گؤزوندن تورکیه" آدلی سرگیسینین تشکیل اولوندوغونو، سرگینین ایکی اؤلکه خالقلاری آراسینداکی ایلیشکیلرین گۆجلنمهسینه خیدمت ائدجگینه اینادیغینی بیلدیردی.
داشکند ائلچیلیگی مطبوعات مشاویری داوود غازی بنلی ده، ایکی اؤلکه آراسیندا ایلیشکیلرین سون ایللر سرعتله گلیشدیگینی قید ائدرک، بو ایلیشکیلرین گلیشمهسینده ژورنالیستلرین ده رولونون اؤنمینی وورغولادی.
بنلی، سون ایللرده ۳۰دان چوخ اؤزبک ژورنالیستین تورییهیه دعوت ائدیلدیگینی خاطیرلاداراق، سرگیدهکی عکسلرین اؤزبک ژورنالیستلرین تورکیه سفرلرینده چکدیکلری فوتوگرافلاردان عبارت اولدوغونو بیلدیردی.
اکمل نور دا، اؤزبکیستان و تورکیه خالقلارینین عینی دیلی دانیشان خالقلار اولدوغونا دقت چکهرک، سرگینین ایکی اؤلکه آراسیندا سوسیال و مدنی ایلیشکیلرین داها دا گلیشمهسینه قاتقی وئرجگینی بیلدیردی.