ایستانبول تورک دونیاسی گنجلیک باشکندی اولدو
تورکیه جمهوریتینین ۱۰۰.جو ایلی سببی ایله ایستانبول ۲۰۲۳ تورک دونیاسی گنجلیک باشکندی سئچیلدی
ایستانبول، ۲۰۲۳ تورک دونیاسی گنجلیک باشکندی اولدو.
گنجلیک و ایدمان باخانی محمد محرم قصاب‌اوغلو، تورک دؤولتلری تشکیلاتی باش کاتیبی کوبانیچ‌بک عؤمورعلییئو و ایستانبول والیسی علی یئرلی‌کایانین آتدیغی ایمضالارلا ایستانبول، ۲۰۲۳ تورک دونیاسی گنجلیک باشکندی اولدو.
ایستانبول آتاتورک مدنیت مرکزین‌ده‌کی آچیلیش مراسیمینه گنجلیک و ایدمان باخانی محمد محرم قصاب‌اوغلو، قوزئی قیبریس اورک جمهوریتی باشباخان کؤمکچی‌سی فیکری آتااوغلو، ایستانبول والیسی علی یئرلی‌کایا، تورک دؤولتلری تشکیلاتی باش کاتیبی کوبانیچ‌بک عؤمورعلییئو، آذربایجان گنجلیک و ایدمان باخان کؤمکچی‌سی ایندیرا حاجییئوا، قیرقیزیستان مدنیت، انفورماسیون، ایدمان و گنجلیک سیاستی باخان کؤمکچی‌سی مارات تاگائو، اؤزبکیستان مجلیس سنا عضوو، گنجلیک سیاستلری و ایدمان باخانلیغی بیرینجی باخان کؤمکچی‌سی و گنجلیک ایشلری آژانسی باشقانی علیشیر سعدالله‌یئو، قازاقیستان بیلگی و سوسیال قالخینما باخانی مشاویری شیرخان تالاپوو، ماجاریستان باش‌کونسول وکیلی وئرونیکا لاکاتوس، تورکمنیستان باش کونسوللوغو مسئوللاری، تورک دؤولتلری تشکیلات عضولری و گؤزلمچی اؤلکه‌لرین نماینده‌لری ایله کؤنوللولر قاتیلدی.
بؤیوک بیر قاتیلیمین اولدوغو مراسیم، مئهتر گؤستریسی و خالق اویونلارییلا باشلادی.
اؤزبکیستانین قدیم شهری بوخارانین گئچه‌ن ایل ایلک دفعه تورک دونیاسی گنجلیک باشکندی عنوانینی آلدیغینی و تورکیه جمهوریتینین ۱۰۰.جو ایلی سببی ایله ایستانبولون ۲۰۲۳ تورک دونیاسی گنجلیک باشکندی سئچیلدیگینی دیله گتیره‌ن محمد محرم قصاب‌اوغلو،
"تورکیه، تورک دؤولتلری تشکیلاتینی چوخ دگر‌لی گؤرور. بو چتیر آلتین‌داکی بوتون فعالیتلری ان گوجلو شکیل‌ده یئرینه یئتیرمه چاباسینداییق" آچیقلاماسینی وئردی.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
