تورکمنیستان، اورتا آسیادا قادینلار اوچون ان گوونلی اؤلکه
قادینلارین دینجلیک و گوونلیگی راپورو، بیرلشمیش میللتلر، دونیا بانکی بیلگیلری، گاللوپ و سایره کیمی قلوبال سورغولارین نتیجه‌لری نظه آلیناراق حاضرلانیر
تورکمنیستان ۲۰۲۳ وومن پیس آند سکوریتی ایندکس‌ده (قادینلارین دینجلیک و گوونلیگی اندکسی) ۱۷۷ اؤلکه آراسیندا ۵۸.جی اولدو.
اورتا آسیا اؤلکه‌لری آراسیندا قادینلار باخیمیندان ان گوونلی ایکینجی اؤلکه، لیستده ۷۰.جی سیرایا یئرلشه‌ن قازاقیستان. اونو تاجیکیستان (۹۰)، اؤزبکیستان (۹۴) و قیرقیزیستان (۹۵) ایزله‌ییر.
دیگر بؤلگه اؤلکه‌لری آراسیندا قادینلارین ان گوونلی اولدوغو یئرلر: دانمارک، سوئیس و سوئد (لیستین ۱، ۲ و ۳.جو سیرالاری). ان گوونسیزلر ایسه: افغانیستان (لیست سونو، ۱۷۷.جی سیرا)، یمن (۱۷۶) و اورتا آفریقا جمهوریتی (۱۷۵).
WPS اندکسی اولوشدورولارکه‌ن اؤلکه‌لرده‌کی وضعیت ۱۳ معیارا گؤره دگرلندیریلیر و بو معیارلار آشاغیداکی اوچ کتگورییه آیریلیر:
شمولیت: تحصیل، مالی خیدمتلره اریشیم، ایش تاپابیلمه، موبیل تلفون ایستیفاده‌سی، قادینلارین پارلمانداکی نماینده‌لیگی؛
عدالت: حقوقی آیریمچیلیغین اولماییشی، محکمه‌لره اریشیم، آنا اؤلوملری، اؤن یارغیلار؛
گوونلیک: پارتنر شدتی نیسبتی، قادینلارین توپلومدا اؤزلرینی گوونده حس ائتمه آلغیسی، قادینلارا قارشی سیاسی شدت، سلاحلی چاتیشمایا یاخینلیق.
راپور، بیرلشمیش میللتلر، دونیا بانکی بیلگیلری، گاللوپ و سایره کیمی قلوبال سورغولارین نتیجه‌لری نظره آلیناراق حاضرلانیر.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
