هاکان فیدان بیشکک-ده بیر سیرا گؤروشلر کئچیریب
قیرغیزیستان-دا رسمی سفرده اولان خاریجی ایشلر ناظیری هاکان فیدان بو اؤلکهنین پرزیدنتی سدیر جاپاروو طرفیندن قبول ائدیلیب.
قیرغیزیستان-دا رسمی سفرده اولان خاریجی ایشلر ناظیری هاکان فیدان بو اؤلکهنین پرزیدنتی سدیر جاپاروو طرفیندن قبول ائدیلیب.
قیرغیزیستان جمهور باشقانلیغی مطبوعات مرکزیندن وئریلن معلوماتا گؤره، سدیر جاپاروو هاکان فیدانلا گؤروشونده ساغلیق، انرژی و مالیه مؤوضوع لاری و بولگهسل تهلوکهسیزلیک، ائلهجه ده ایکی طرفلی گوندمده اولان بیر سیرا مسئلهلر اطرافیندا فیکیر موبادیلهسی آپاریب.
گؤروشده جمهور باشقانی رجب طیب اردوغانین قیرغیزیستانا پلانلاشدیریلان رسمی سفری و بیشکک-ده کئچیریلهجک یوکسک سویهلی ایستراتژی امکداشلیق شوراسینین ایجلاسی موذاکیره ائدیلیب.
سدیر جاپاروو قیرغیزیستان و تورکیه آراسیندا موختلیف ساحهلرده امکداشلیغین اینکیشافینین مثبت دینامیکاسینی آلقیشلادیغینی وورغولاییب.
ایکی اؤلکه آراسینداکی تیجارت و اقتصادی امکداشلیغا توخونان سدیر جاپاروو تورکیه-قیرغیزیستان حؤکومتلرآراسی کمیسیونون پایتاخت آنکارادا کئچیریلهجک ایجلاسینین اقتصادی گوندمه دستک باخیمیندان اهمیتینی دیله گتیریب.
هاکان فیدان دا قوناقپرورلیگه گؤره قیرغیزیستان پرزیدنتینه تشککور ائدیب و ایکی اؤلکه لیدرلرینین بیرگه سعیلری نتیجهسینده امکداشلیغین گئنیشلندیریلمهسی ایله مهم نتیجهلرین الده اولوندوغونو بیلدیریب.
هاکان فیدان بیشکک-ده پارلمان صدری نورلانبک شاکیئو طرفیندن ده قبول ائدیلیب.
شاکیئو و فیدان آراسیندا کئچیریلن گؤروشده ایکی طرفلی سیاسی، اقتصادی و مدنی علاقهلرین آرتیریلماسی و پارلامئنتلراراسی امکداشلیغین اینکیشافی موذاکیره اولونوب.