"آذربایجان خالقی بونو هئچ بیر زامان اونوتمایاجاق"
علییئو: اگر بو گون اؤلکه‌میزله باغلی هر هانسی بیر جدی مؤوضوع اولسا طبیعی کی ایلک آرایاجاغیم و بیلگیلندیره‌جگیم شخص قارداشیم رجب طیب اردوغان اولار
آذربایجان جمهورباشقانی ایلهام علییئو، اؤلکه‌سینین قارشیلاشاجاغی هر هانسی بیر جدی قونودا ایلک دانیشاجاغی شخصین جمهورباشقانی رجب طیب اردوغان اولاجاغینی سؤیله‌دی.
ایلهام علییئو، یئرلی تلویزیون کاناللارینا دگرلندیرمه‌لر وئردی.
۲.جی قاراباغ ساواشی (۲۷ سپتامبر-۱۰ نوامبر ۲۰۲۰) داوام ائدرکه‌ن گئرچکلشدیردیگی تلفن دانیشیقلاریندان بحث ائد‌ن علییئو، ان چوخ جمهورباشقانی اردوغان و روسیا دؤولت باشقانی ولادیمیر پوتینله دانیشدیغینی بیلدیردی.
علییئو، اردوغانین ساواشین ایلک گونوندن سون گونونه قدر اؤلکه‌سینین یانیندا اولدوغونو ایفاده ائد‌رک،
"آذربایجانا وئردیگی سیاسی و معنوی دستک بعضیلرینه مئساژ اولدو. بو، یالنیز آذربایجان خالقینا دایانیشما مئساژی دئییل عینی زاماندا ساواشا موداخیله ائتمک ایسته‌یه‌نلره 'قاریشمایین' مئساژی ایدی. آذربایجان خالقی بونو هئچ بیر زامان اونوتمایاجاق" دئیه دانیشدی.
شوشانین ایشغالدان قورتاریلماسینین آردیندان اؤزونو ایلک قوتلایان شخصیتین ده اردوغان اولدوغونو دیله گتیره‌ن علییئو،
"اگر بو گون اؤلکه‌میزله باغلی هر هانسی بیر جدی مؤوضوع اولسا طبیعی کی ایلک آرایاجاغیم و بیلگیلندیره‌جگیم شخص قارداشیم رجب طیب اردوغان اولار" ایفاده‌لرینی ایشلتدی.
