قازاقیستاندا حکومت استعفا ائتدی
جمهورباشقانی قاسم جؤمرد توکایئو، آنایاسانین ۷۰.جی مادهسینه گؤره حکومتین استعفاسینا باغلی قراری ایمضالادی
قازاقیستاندا علیخان اسماعیلوو باشقانلیغینداکی حکومت استعفا ائتدی.
قازاقیستان جمهورباشقانلیغیندان وئریلن آچیقلامادا، جمهورباشقانی قاسم جؤمرد توکایئو، آنایاسانین ۷۰.جی مادهسینه گؤره حکومتین استعفاسینا باغلی قراری ایمضالادی.
بونا گؤره، اسماعیلوو باشقانلیغینداکی حکومتین استعفاسی قبول ائدیلدی.
حکومتده باشباخان بیرینجی کؤمکچیسی اولان رومان سکلیار، گئچیجی باشباخانلیق وظیفهسینی اۆستلندی.
اسکی حکومت عضولری ده یئنیسی تصدیقلنهنه قدر وظیفهلرینی داوام ائتدیرهجک.
اؤته یاندان حکومتین استعفاسینا باغلی هر هانسی بیر بیلگی پایلاشیلمازکهن، یارین جمهورباشقانی توکایئو باشقانلیغیندا گئنیشلهدیلمیش حکومت ییغینجاغینین ائدیلمهسی پلانلانیر.
اسماعیلوو، ژانویه ۲۰۲۲ده میدانا گلن حادثهلردن سونرا وظیفهیه گلمیش، ۱۹ مارس ۲۰۲۳دهکی مجلیس سئچیمی سونراسی تکرار باشباخان اولموشدو.