"قوزئی قیبریس تۆرک جمهوریتی تۆرک دونیاسینین آغ دنیزه آچیلان قاپیسیدیر"
ارسین تاتار: قوزئی قیبریس تۆرک جمهوریتینی موستقیل بیر تۆرک دؤولتی اولاراق یاشاتماق دوروموندا اولدوغوموزو تئز تئز گؤروروک
قوزئی قیبریس تۆرک جمهوریتی جمهورباشقانی ارسین تاتار، قوزئی قیبریس تۆرک جمهوریتینین، تۆرک دونیاسینین آغ دنیزه آچیلان بیر پنجره‌سی، بیر قاپیسی اولدوغونو سؤیله‌دی.
قهرمان‌ماراشین دۆشمن ایشغالیندان قورتولوشونون ۱۰۴.جو ایل دؤنومو سببی ایله تشکیل ائدیله‌ن فعالیتلره قاتیلماق اۆزره شهره گلن تاتار، "سون گلیشمه‌لر چرچیوه‌سینده قوزئی قیبریس تۆرک جمهوریتینین اؤنمی" قونولو کونفرانسدا دانیشدی.
قوزئی قیبریس تۆرک جمهوریتینین ایندیکی وزاماندا تۆرکیه‌نین دستکلری ایله دونیاداکی مختلیف اولوسلارآراسی ییغینجاقلارا قاتیلدیغینی ایفاده ائد‌ن تاتار، گؤی وطنین (تۆرک دنیزلرینین) ژئوپولیتیک باخیمدان اؤنملی اولدوغونو و بورادا بیر چوخ دؤولتین مؤقعیت قازانماغا چالیشدیغینی دیله گتیردی.
دۆنیا تیجارتینین و طبیعی قایناقلارلا زنگینلیکلرین تیجارتینین یۆزده ۷۰ینین بو بؤلگه‌دن گئچدیگینی ایفاده ائد‌ن تاتار، گئرچکشدیردیکلری اولوسلارآراسی گؤروشمه‌لرده قوزئی قیبریس تۆرک جمهوریتینین هئچ بیر بؤلگه‌سیندن اؤزللیکله کارپاز بورنوندان هئچ امتیاز وئرمه‌دیکلرینی بیلدیردی.
کارپاز بورنو ایله تۆرکیه‌دن گئچه‌ن نقلیات یوللارینین بیر بیرینه چوخ یاخین اولدوغونو ایفاده ائد‌ن تاتار، بؤلگه‌نین باشقالارینین اللرینده اولماسینین تۆرکیه و تۆرک دونیاسینین گۆونلیگینه یۆزده یۆز منفی تأثیر ائدجگی بیر وضعیت اولدوغونو بیلدیردی.
قیبریسین ایستراتژیک باخیمدان اؤنمینه توخونان تاتار، بونلاری قید ائتدی:
"قیبریس، یالنیز اورادا یاشایان بیزلر دئییل، عینی زاماندا دنیز صلاحیت ساحه‌لری ایله، ماوی وطنین تام اۆستونده‌کی هاوا ساحه‌سی ایله، میللی گۆونلیگه یۆزده یۆز چوخ اؤنملی تأثیر ائد‌ن بیر سیرا حاق حقوق استراتژیک قازانیملاردان عبارت بیر پوزیشن. اونون اوچون قیبریس اؤنملیدیر. اونون اوچون قوزئی قیبریس تۆرک جمهوریتینی موستقیل بیر تۆرک دؤولتی اولاراق یاشاتماق دوروموندا اولدوغوموزو تئز تئز گؤروروک./.../ قوزئی قیبریس تۆرک جمهوریتی تاریخده یئرینی آلارکن بیر باخیما بوتون تۆرک دونیاسینین آغ دنیزه آچیلان بیر پنجره‌سی، بیر قاپیسیدیر. سیاسی، اقتصادی و حقیقتاً دنیزلرده‌کی حاقیمیز حقوقوموز باخیمیندان فؤوق العاده اؤنملی میللی بیر دگردیر".
