جمهورباشقانی علییئو آند ایچدی
"پرزیدنتلیگیم مدتینده آذربایجان آنایاساسینا باغلی قالاجاغیما، دؤولتین موستقیللیگی و تورپاق بوتونلوگونو قورویاجاغیما، خالقیما لیاقتله خیدمت ائدجهگیمه آند ایچرهم"
آذربایجاندا ۷ فوریهده ائدیلهن ائرکهن جمهورباشقانلیغی سئچیمینی یۆزده ۹۲،۱۲ سس ایله قازانان ایلهام علییئو، آند ایچرک ۵.جی دؤونم اوچون وظیفهسینه رسمی اولاراق باشلادی.
وظیفهسینه یئنیدن سئچیلهن ایلهام علییئو اوچون آذربایجان میللی مجلیسینده آند مراسیمی تشکیل ائدیلدی. باخانلار، میللت وکیللری، اؤلکهده وظیفهلی ائلچیلر و اوست سویه قوناقلارین قاتیلدیغی آند مراسیمی، آذربایجان میللی مجلیسی باش قورول سالونوندا ائدیلدی.
علییئو، آذربایجان آنایاساسی اوزرینه ال باساراق، "پرزیدنتلیگیم مدتینده آذربایجان آنایاساسینا باغلی قالاجاغیما، دؤولتین موستقیللیگی و تورپاق بوتونلوگونو قورویاجاغیما، خالقیما لیاقتله خیدمت ائدجهگیمه آند ایچرهم" دئدی.
آذربایجان میللی مارشینین اوخونماسینین آردیندان قرآن کریمه ده ال باسان علییئو، "آذربایجان خالقینین عصرلردیر میدانا گتیردیگی میللی و معنوی دگرلره و عنعنهلره صادق قالاجاغام، اونلاری هر واخت اوجالداجاغام" دئدی.
جمهورباشقانی علییئو، آندینین آردیندان باش قوموتان عنوانی ایله آذربایجان بایراغینی اؤپدو.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.