قیرقیزیستان ایله تاجیکیستان سرحد سورونونو حل ائدیر
قروپلارین ساحه چالیشمالارینین آردیندان اورتاق سرحدین ۱،۱ کیلومتری اوزرینده داها آنلاشما اولدو
تاجیکیستان ایله قیرقیزیستان، آرالارینداکی دارتیشمالی سرحدین ۱،۱ کیلومتری اوزرینده داها آنلاشدی.
تاجیکیستان میللی گۆونلیک دؤولت کومیتهسیندن وئریلهن آچیقلامادا، اؤلکهنین قوزئییندهکی سغد ائلینه باغلی بوستاندا، ایکی اؤلکهنین چالیشما قروپلارینین ییغینجاق تشکیل ائتدیگی بیلدیریلدی.
قروپلارین ساحه چالیشمالارینین آردیندان اورتاق سرحدین ۱،۱ کیلومتری اوزرینده داها آنلاشدیقلاری ایفاده ائدیلهن آچیقلامادا، بیر پروتوکولون ایمضالاندیغی قید ائدیلدی.
آچیقلامادا طرفلرین، قیرقیزیستاندا ائدیلهجک گلهجک ییغینجاقدا ایکی اؤلکه آراسینداکی دارتیشمالی سرحدین دیگر قیسیملری اوزرینده چالیشماغا داوام ائدجکلری بیلگیسی پایلاشیلدی.
قیرقیزیستان ایله تاجیکیستان آراسینداکی ۹۷۲ کیلومترلیک اورتاق سرحدین ایندییه قدر تخمیناً یوزده دوخسانینا برابر اولان ۸۸۹،۴۵ کیلومترلیک قیسیمی اوزرینده آنلاشما تامین ائدیلرکهن ان سون ۳۰ ژانویه-۵ فوریه تاریخلرینده، قیرقیزیستانین باتکن شهرینده بیر آرایا گلن طرفلر، سرحدین ۳،۷۱ کیلومتری اوزرینده داها آنلاشمایا واراراق پروتوکول ایمضالامیشدی.
تاجیکیستان ایله قیرقیزیستان آراسیندا سرحد آنلاشیلمازلیقلاریندان اؤترو آرا آرا گرگینلیک و چاتیشمالار چیخمیش، ایکی اؤلکه آراسیندا ان سون ۱۴ سپتامبر ۲۰۲۲ده میدانا گلن حادثهلرده، ایکی طرفدن اونلارجا اینسان حیاتینی ایتیرمیشدی.
ایلگیلیلی خبرلر
قازاخیستان-دا داشقینلاردان سونرا 54،7 مین نفر ائولرینه قاییدیب
بو بارهده فوق العاده حاللار ناظیرلیگینین مطبوعات خیدمتی معلومات یاییب.