تۆرک دؤولتلری تشکیلاتی آغساققاللاری عشقآباددا
تۆرکمنیستان دؤولت باشقانی سردار بردیمحمدوو، قوناقلارین ان اوست سویهده آغیرلانماسی اوچون قرارنامه چیخاردی
تۆرک دؤولتلری تشکیلاتی آغساققاللار شوراسی ییغینجاغی ۱۲ مارسدا تۆرکمنیستانین باشکندی عشقآباددا ائدیلهجک.
عضو اؤلکهلرین آغساققاللارینین قاتیلاجاغی ییغینجاقدا تۆرکیهنی، شورا باشقانی بینعلی ییلدیریم تمثیل ائدجک.
ییغینجاقدا داها اؤنجه آلینان قرارلار موذاکیره ائدیلهجک، عضو دؤولتلر آراسیندا امکداشلیغین آرتیریلماسینین یوللاری آختاریلاجاق.
تۆرک دؤولتلری تشکیلاتی آغساققاللاری ۱۵.جی دفعه بیر آرایا گلیر.
تۆرکمنیستان دؤولت باشقانی سردار بردیمحمدوو، قوناقلارین ان اوست سویهده آغیرلانماسی اوچون قرارنامه چیخاردی.
تۆرکمنیستانین میللی لیدئری و آغساققالی قوربانقولو بردیمحمدووون ائو صاحیبلیگینده آغیرلاناجاق آغساققاللارا، رسمی افطار یئمهیی وئریلهجک، قرآن کریم تلاوت ائدیلهجک.
شورا ییغینجاغینا تشکیلاتین آنا عضوو تۆرکیه، آذربایجان، قازاقیستان، قیرقیزیستان و اؤزبکیستانین یانیندا گؤزلمچی اؤلکه ماجاریستانین گؤندردیگی آغساققاللار قاتیلاجاق.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.