قوربان قولو بردی محمدوو رجب طیب اردوغانا تشککور ائدیب

تورکمن خالقی‌نین میللی لیدری، تورکمنیستان خالق مصلحتی‌نین صدری قوربان قولو بردی محمدوو ایکی طرف‌لی علاقه‌لرین اینکیشافینا گؤستردیگی دقته گؤره پرزیدنت رجب طیب اردوغانا تشککور ائدیب.

"ت.ر.ت خبر"ین سوال‌لارینی جاوابلان‌دیران بردی محمدوو هم تورکیه داخیلینده، هم ده خاریجده اعتبارلی، میلیون‌لارلا ایزلییجی‌سی اولان "ت.ر.ت خبر" کانالینا موصاحیبه وئرمک‌دن ممنونلوق دویدوغونو و تورک دؤولت‌لری آراسینداکی علاقه‌لر ایله باغلی باخیشینی گئنیش شکیلده ایفاده ائتمک ایمکانی وئردیگینی بیلدیریب.

تورک خالق‌لاری‌نین عینی منشأ‌لی اولدوغونو بیلدیرن بردی محمدوو دئییب:

"بو وضعیت قارشی‌لیق‌لی موناسیبت‌لریمیزه خصوصی معنا وئریر. موستقیل، اگمن دؤولت‌لر اولساق دا، اورتاق اوزون موددتلی بیرگه مقصد و ماراق‌لاریمیزین اولدوغونو اونوتموروق".

تورکمن خالقی‌نین لیدری تورک دؤولت‌لری تشکیلاتینی تورک دؤو‌لری آراسیندا دوستلوق موناسیبت‌لرینی، اقتصادی و مدنی امکداش‌لیغی گوجلن‌دیرمک مقصدی داشییان بیر تشکیلات، پرسپکتیو‌لی و اعتبارلی اولوسلار آراسی طرفداش کیمی گؤردوگونو بیلدیریب.

بردی محمدوو ایکی طرف‌لی علاقه‌لرین اینکیشافینا گؤستردیگی قایغییا و حساسلیغا گؤره پرزیدنت اردوغانا میننتدار اولدوغونو دا دیله گتیره‌رک دئییب:

"بو یاخین‌لاردا تورکمنیستان پرزیدنتی‌نین (سردار بردی محمدووون) جناب پرزیدنت اردوغانی "تورکمن خالقی‌نین فخری آغساکا‌لی" اعلان ائتمه‌سی پرزیدنت اردوغانین تورک دونیاسینا خیدمت‌لری‌نین تصدیقی ایدی".