الهام علییئو بینعلی ییلدیریمی قبول ائدیب
نیظامی گنجوی اولوسلارآراسی مرکزی طرفیندن کئچیریلهجک «11-جی گلوبال باکی فورومو»ندا ایشتیراک ائتمک اوچون باکییا گئدن بینعلی ییلدیریم، علییئو طرفیندن قبول ائدیلیب
آزربایجان پرزیدنتی الهام علییئو تورک دؤولتلری تشکیلاتی آغساققاللار شوراسینین صدری بینعلی ییلدیریم ایله گؤروشوب.
آزربایجان جمهورباشقانلیغیندان وئریلن معلوماتا گؤره، نیظامی گنجوی اولوسلارآراسی مرکزی طرفیندن کئچیریلهجک «11-جی گلوبال باکی فورومو»ندا ایشتیراک ائتمک اوچون باکییا گئدن بینعلی ییلدیریم، علییئو طرفیندن قبول ائدیلیب.
قبولدا ییلدیریم نیظامی گنجوی اولوسلارآراسی مرکزینین دونیا مقیاسیندا نفوذونون آرتدیغینی و قورومون موهوم اولوسلارآراسی مسئلهلرین موذاکیره ائدیلدیگی پلاتفورما چئوریلدیگینی بیلدیریب.
فورومون اوغورلا کئچهجیینه امین اولدوغونو وورغولایان ییلدیریم، علییئوه تورک دؤولتلری تشکیلاتی آغساققاللار شوراسینا وئردیگی دستیه گؤره تشکور ائدیب.
یئنیدن پرزیدنت سئچیلدیکدن سونرا عنعنیه اویغون اولاراق ایلک رسمی سفرینی تورکیهیه ائتدیگینی خاطیرلادان علییئو پرزیدنت رجب طیب اردوغانلا گؤروشوندن دانیشیب. قبول زامانی تورکیه ایله آزربایجان آراسینداکی علاقهلره دایر فیکیر موبادیلهسی آپاریلیب.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.