ییلدیریم: بؤلگه‌ده باریشا یاخینیق
بینعلی ییلدیریم، آذربایجانین باشکندی باکیدا تشکیل ائدیله‌ن و ۶۸ اؤلکه‌دن ۴۰۰ قاتیلیمچینین ایشتیراک ائتدیگی ۱۱.جی کۆره‌سل باکی فورومونون آچیلیشیندا دانیشدی
تورک دؤولتلری تشکیلاتی (ت‌دت) آغ‌ساققاللار شوراسی باشقانی بینعلی ییلدیریم، غزه‌ده یاشانانلارین واراولان اولوسلارآراسی نظامین اخلاقی و ویجدانی پارچالانمیشلیغینی آچیق شکیلده اورتایا قویدوغونو ایفاده ائتدی.
ییلدیریم، آذربایجانین باشکندی باکیدا تشکیل ائدیله‌ن و ۶۸ اؤلکه‌دن ۴۰۰ قاتیلیمچینین ایشتیراک ائتدیگی ۱۱.جی کۆره‌سل باکی فورومونون آچیلیشیندا دانیشدی.
ییلدیریم، گئده‌رک آرتان کۆره‌سل و بؤلگه‌سل چتینلیکلر و بو چتینلیکلره کیفایت قدر جاواب وئره‌بیلمه‌یه‌ن اولوسلارآراسی سیستمین داغینیق و دۆزه‌نسیز گؤرونوشونون بوتون دونیادا پارچالی ایمیجین اولوشماسینا یول آچدیغینی ایفاده ائتدی.
پارچالانمانین بؤلگه‌سل سویه‌ده باشلاییب پروبلئملر یوماغی اولاراق کۆره‌سل سویه‌یه داشیندیغینی ایفاده ائد‌ن ییلدیریم، بؤلگه‌ده‌کی قاچاتیشمالارین یالنیز سیاسی و عسگری ساحه‌ده دئییل، اقتصاد، نقلیات، انرژی کیمی ساحه‌لرده ده منفی حاللارا سبب اولدوغونو وورغولادی.
ییلدیریم، روسیا-اوکراینا ساواشینا باغلی، "بو ساواش، بؤلگه‌میزده و اؤته‌سینده گئده‌رک آغیر اینسانی و مادی ضرره یول آچیر. باریشی تامین ائتمک اوچون طرفلری بیر آرایا گتیرمه‌نین یوللارینی تاپماغا عاجیل اولاراق احتیاج وار. تورکیه پروبلئمین باریش یولویلا حلی اوچون چابا گؤستریر" دئدی.
آذربایجان ایله ارمنیستان آراسینداکی پروبلئملره ده توخونان ییلدیریم، "گونئی قافقازین لایق اولدوغو باریش، گوونلیک و رفاها قوووشماسی اوچون بؤلگه‌ده‌کی بوتون اؤلکه‌لرین یاپیچی و نتیجه مرکزلی ایشلر گؤرمه‌سی لازیمدیر. قاراباغ ایشغالدان قورتولدو. ایندی بؤلگه‌ده باریشا یاخینیق" ایفاده‌لرینی ایشلتدی.
ییلدیریم، ایسرائیلین غزه‌یه سالدیریلارینا باغلی، "غزه‌ده یاشانانلار، مؤوجود اولوسلارآراسی نظامین اخلاقی و ویجدانی پارچالانمیشلیغینی تآچیق شکیلده اورتایا قویور. بو سوی‌قیریم و ائتنیک تمیزلیگه اولوسلارآراسی توپلوم سون وئرمه‌لیدیر. دوردورولمازسا بشریتین سونو گله‌جک" دئدی.
دانیشماسیندا ترور، خاریجی دۆشمنلیگی، خوش‌گؤروسوزلوک، ایسلام قارشیدلیغی کیمی تهدیدلرین سیخلاشماسینا دقت چکه‌ن ییلدیریم، ایقلیم دییشیکلیگینین ده معین اؤلکه‌لری دئییل بوتون دونیانی ماراقلاندیران و بوتونلوکله موباریزه طلب ائد‌ن پروبلئم اولدوغونو وورغولادی.
ییلدیریم، اولوسلارآراسی سیستمین موار اولان پارچالی گؤرونوشه حل تاپابیلمه‌دیگینی، چوخ قطبلو قورولوشونون دونیانین پارچالانماسینی داها دا درینلشدیردیگینی ایفاده ائتدی.
بؤلگه‌سل امکداشلیغین هر زامانکیندان داها عاجیل احتیاج حالینا گلدیگینی وورغولایان ییلدیریم، تورکیه و آذربایجانین گیریشیمی ایله باشلادیلان "۳+۳ بؤلگه‌سل امکداشلیق پلتفورمو"نو و تورک دؤولتلری تشکیلاتی نومونه اولاراق گؤستردی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
