باکیدا تورکیه-آزربایجان-گورجوستان اوچطرفلی خاریجی ایشلر ناظیرلری گؤروشو کئچیریلدی
جیهون بایراموف: آزربایجان، تورکیه و گورجوستان آراسیندا موناسیبتلرین گوندهلیگی چوخ شاخهلی و زنگیندیر و عینی زاماندا، بیر چوخ اؤلکه اوچون نومونهدیر
آزربایجانین خاریجی ایشلر ناظیری جیهون بایراموف "آزربایجان، تورکیه و گورجوستان آراسیندا موناسیبتلرین گوندهلیگی چوخ شاخهلی و زنگیندیر و عینی زاماندا، بیر چوخ اؤلکه اوچون نومونهدیر." دئدی.
بایراموف اؤلکهسینین پایتاختی باکیدا کئچیریلن تورکیه-آزربایجان-گورجوستان اوچطرفلی خاریجی ایشلر ناظیرلرینین 9-جو گؤروشوندن سونرا کئچیریلن مطبوعات کنفرانسیندا چیخیش ائدیب.
ایقتیصاد، تیجارت، یاتیریم، نقلییات، اکینچیلیک، یوکسک تکنولوژیلر و توریزم ساحهلرینده یئنی پروژهلری موذاکیره ائتدیکلرینی بیلدیرن ائو صاحیبی ناظیر، "یئنی و چوخ جیددی نتیجهلره سبب اولاجاق خبرلرین شاهیدی اولاجاغیق." دئدی.
"آزربایجان، تورکیه و گورجوستان آراسیندا موناسیبتلرین گوندهلیگی چوخ شاخهلی و زنگیندیر و عینی زاماندا، بیر چوخ اؤلکه اوچون نومونهدیر." قیمتلندرمهسینی ائدن بایراموف موناسیبتلرین باکی بیاننامهسینی ایمضالادیقلارینی بیلدیریب و دئییب،
"ایقتیصادی علاقهلریمیزین دینامیزمی تام سیاسی دیالوگا اویغون اولاراق ایرلیلییر. آزربایجان، تورکیه و گورجوستانین ایقتیصادی اوچبوجاغی خزر و قارا دنیز حوزهلرینی احاطه ائدن گئنیش جغرافیادا شکیللنیب. بیرگه سعیلریمیزله بؤلگهنی احاطیه آلماقلا داها گئنیش جغرافیانی احاطه ائدن انرژی و نقلییات خریطهلرینین فورمالاشدیران و اهمییتلی درجهده دییشدیرن باکی-تفلیس-قارص دمیر یولو پروژهسی، باکی-تفلیس-جیحان نفت کمری، گونئی گاز دهلیزی کیمی پروژهلری ایندی گئرچکلیکدیر."
آزربایجانین تورکیه و گورجوستاندا اساس یاتیریمجیلار سیراسیندا اولدوغونو خاطیرلادان بایراموف، "ایقتیصاد، تیجارت، یاتیریم، نقلییات، اکینچیلیک، یوکسک تکنولوژیلر و توریزم ساحهلرینده پروژهلری موذاکیره ائتدیک. یئنی پروژهلردن دانیشدیق. یاخین واختلاردا یئنی و چوخ جیددی سیلسیله خبرلرین شاهیدی اولاجاغیق." دئدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.