آذربایجان و ارمنیستان خاریجی ایشلر ناظیرلری قازاقیستاندا گؤروشه‌جکلر
قازاقیستان پرزیدنتی: ارمنیستان و آذربایجان آراسیندا صولح سازیشینی دستکلدیکلرینی و بو مسئله‌ده خوش‌مراملی میسیونونو اوزرینه گؤتورمه‌یه حاضیر اولدوقلارینی بَیان ائدیب
آذربایجان خاریجی ایشلر ناظیری جیحون بایراموو و ارمنیستانین خاریجی ایشلر ناظیری آرارات میرزویان می آیینین 10-دا قازاقیستانین آلماتی شهرینده اؤلکه‌لری آراسیندا داوام ائدن صولح سازیشی دانیشیقلاری چرچیوه‌سینده گؤروشه‌جکلر.
آذربایجان خاریجی ایشلر ناظیرلیگینین سؤزچوسو، آیهان حاجیزاده ایکس سوسیال مئدیا پلاتفورموندا آچیقلاماسیندا بئله دئییب، "اولجه الده ائدیلمیش راضیلیغا اویغون اولاراق، 2024-جو ایل می آیینین 10-دا آلماتیدا آذربایجانین خاریجی ایشلر ناظیری جیحون بایراموو و ارمنیستانین خاریجی ایشلر ناظیری آرارات میرزویان آراسیندا گؤروشلر کئچیریله‌جک".
قازاقیستان پرزیدنتی قاسیم جؤمرت توکایئو می آیینین 1-ده آذربایجان و ارمنیستان آراسیندا صولح سازیشینین حاضیرلانماسی ایله باغلی خاریجی ایشلر ناظیرلرینین دانیشیقلارینین اؤلکه‌سینده آپاریلماسی ایله باغلی طرفلرین الده ائتدیگی راضیلاشمانی آلقیشلادیغینی بیلدیریب.
آوریلین 15-ده ارمنیستانین پایتخاتی ایروانا رسمی سفری زامانی توکایئو ارمنیستان و آذربایجان آراسیندا صولح سازیشینی دستکلدیکلرینی و بو مسئله‌ده خوش‌مراملی میسیونونو اوزرینه گؤتورمه‌یه حاضیر اولدوقلارینی بَیان ائدیب.
ایلگیلی‌لی خبرلر
آذربایجان جمهوریتیندن رئیسی اوچون باش‌ساغلیغی
آذربایجان جمهورباشقانی ایلهام علییئو، ایران دینی لیدئری علی حامنه‌اییه باش‌ساغلیغی مئساژی گؤندردی
