تورکیه مطبوعاتی اؤزتی 04.05.2014
یئنی شفق قزئتی "اوکراین آتش توپو" باشلیقلی خبرینده، روس یانلیسی قروپلارین کاوسا سورودوگو اوکراینین ایچ ساواشینین ائشیگینه گلدیگینی یازیر.
خبر، اودئسادا 40-دان چوخ اینسانین حیاتینی ایتیردیگی حادثهلر سونراسی چاتیشمانین بؤیومهسیندن قورخولورکن، روس وکیللری، موسکوا رهبرلیگینه اوکراینا عسگر گؤندرمه چاغیریسی ائتدیگی یازیلیر.
میللیت قزئتی، "ائولری آرتیق مزارلاری" باشلیغی آلتیندا، افغانیستانین شیمال-شرقیندکی بدخشان ویلایتیندکی، آب باریک کندیندکی توپراق سوروشمهسیندن ان آز 350 اینسانین حیاتینی ایتیردیگینی یازیر.
خبرین داوامیندا، مینلرله اینسانین تورپاق آلتیندا اولدوغوندان ناراحاتلیق ائدیلرکن یئرلی مسئوللارین بو ساینی 2 مین اینسان اولاراق آچیقلادیغی بیلدیریلیر. خبرده، پالچیغین، آختارما ایشلرینه ایجازه وئرمدیگی اوچون کندین توپلو مزار قبول ائدیلهجگی کؤچورولور.
ایستار قزئتی، "مرس آمریکایا سیچرادی" باشلیغییلا، آمریکادا بیر ساغلیق ایشچیسینین اکثریتله کؤرفز عرب اؤلکهلرینده گؤرولن آغیر بیر تنّفوس یولو خستهلیگی اولان مرسه توتولدوغونو آچیقلاییر.
قزئت خبرینده بئله یازیر: خستهلیک کونترول و تدبیره مرکزی، ایندیاناداکی خستهنین کیملرله تماس ائتدیگینی تثبیت ائتمهیه چالیشیر. خستلیگین تشخیص ائدیلدیگی 2012-جی ایلدن بری ان چوخ مرس حادثهسی، 2014-جی ایلین آوریل آییندا گؤرولدو. ویروسا ان چوخ راست گلینن سعودی عربیستانیدا یالنیز 29 و 30 آپریلده 26 یئنی حادثه تشخیص ائدیلدی.
خبر تورک قزئتی، "پیوندسیز یئنی اوز" باشلیغی آلتیندا، 34 یاشینداکی محی الدین ایشیغین، پروفسور دوکتور محمت موتافین ائتدیگی عملیاتلارلا 'یئنی اوزون قوووشدوغونو یازیر.
خبرده، غازی آنتپده، 17 یاشیندایکن ائوده چیخان یانغیندا اوزو یانان، یورد ایچی و خاریجینده 50ین اوزرینده عملیاتا باخمایاراق گؤرونوشونده دییشیکلیک اولمادیغی اوچون چؤله چیخمایان 34 یاشینداکی محی الدین ایشیغین، مراجعت ائتدیگی غازی آنتپ اونیورسیتهسی تیبب فاکولتهسی پلاستیک، رکونستروکتیو و استتیک جراحی آنا بیلیم دالی باشقانی پروفسور دوکتور محمت موتافین ائتدیگی عملیاتلارلا 'یئنی اوزون قوووشدوغو یازیلیر.
آخشام قزئتی، "3 مین 600 ائوه خاریجی قونشو" باشلیقلی خبرده، خاریجیلرین تورکیه علاقهسینین داوام ائتدیگینی و ایلین ایلک چیرگینده تورکیهدن 3 مین 640 منزیل ساتین آلدیقلارینی یازیر.
خبرده یالنیز مارس آییندا تورکیهدن مین 362 منزیل آلان خاریجیلرین، آپریل آییندا 478 مسکنله ان چوخ ایستانبولو سئچدیگی و ایستانبولو، 459 مسکنله آنتالیانین ایزلدیگی یازیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.