تورکیه مطبوعاتی اؤزتی 06.05.2014

خبرتورک قزئتی، "جمهورباشقانی گول گورجوستاندا" باش‌لیق‌لی خبرینده، جمهورباشقانی عبدالله گولون، تورکیه-گورجوستان-آذربایجان اوچلو اجلا‌سینا قاتیلماق و رسمی سفرده اولماق عذره دونن گورجوستانا گئتدیگینی یازیر. قزئت، ایستانبول آتاتورک هاوالیمانین‌دان گورجوستانین پایتختی تیفلیسه حرکتیندن اؤنجه بیر آچیقلاما ائدن پرزیدنت گولون، "مقصدیمیز 1.5 میلیارد دو‌لار سویه‌سینده تیجارت حجمیمیزین آرتیریلماسی‌دیر" دئدیگینی ایفاده ائدیر.
یئنی شفق قزئتی، یونانیستانین تورکیه‌یه ویزا آسان‌لیغی گتیرمه‌یه حاضیرلاندیغینی ایفاده ائدیر. قزئت، یونانیستان خاریجی ایشلر ناظیرلیگی اسپیکری کونستاندینوس کوتراسین، "ویزا تام اولا‌راق قالدیریلماسی موضوعسو ایشلری‌نین باشیندا اولوروق" شکلینده دانیشدیغینی یازیر. خبرده یونانیستان خاریجی ایشلر ناظیرلیگی اسپیکری کونستاندینوس کوتراسین، تورکیه ایله یونانیستان آراسیندا ویزا موضوعسوندا مختلیف آسان‌لیق‌لارین اولدوغونا دقت چکدیگینه وورغو ائدیلیر.
آخشام قزئتی‌نین اقتصاد صحیفه‌سینده یاییم‌لانان خبرده ده، بلاروسون آنکارا سفیری آندره ساوینیخ‌ین، اژه بؤلگه‌سی صنایع اوداسیندا (EBSO) تشکیل ائدیلن "بلاروس تورکیه یاتیریم و امکداش‌لیق ایمکان‌لاری سمینار"ندا ائتدیگی دانیشمادا "2 ژوئن'دان اعتباراً تورک خالقی بلاروسا ویزاسیز اولا‌راق گئدیب گله‌بیله‌جک. ایکی اؤلکه آراسین‌داکی تیجارت بو مقاویله ایله داها دا آرتا‌جاق. "ایفاده‌سینی ایستیفاده ائتدیگینی یازیر. خبرده ایکی اؤلکه آراسین‌داکی علاقه‌لرین اینکیشافینی تامین ائده‌جک ویزا آزاد راضیلاشماسی‌نین کئچدیگیمیز ایل ایچینده ایمضالاندیغی بیلدیریلیر.
صاباح قزئتی، "یاپی سرگی‌سی 37نجی دفعه قاپی‌لارینی آچدی" تورک یاپی/استراکتور سکتورونون و بؤلگه‌نین ان بؤیوک گؤروشمه‌سی اولان 37نجی تیکینتی سرگی‌سی-Turkeybuild İstanbul-ون، بو گون ایستانبولدا قاپی‌لارینی آچدیغینی یازیر. قزئت، 81 مین متر مربعلیک 12 سالون و آچیق ساحه‌یه قورولان سرگی‌نین، 39 اؤلکه‌دن 1150 ایشتیراکچی فیرمانین محصول و خیدمت‌لرینی زیارتچی‌لرله قؤروشدوردونو ایفاده ائدیر. خبرده، چوخ ماراق گؤرن و 10 ماییسا قدر آچیق قالا‌جاق اولان سرگییه 110 مینی آشان زیارتچی‌نین گؤزلنیلدیگینی ایشاره ائدیلیر.
وطن قزئتی، "بیلکنت و قوچ ان یاخشی 100 اونیورسیته آراسیندا" باش‌لیق‌لی خبرینده، مشهور تحصیل آراشدیرما تشکیلاتی Times Higher Education طرفین‌دن ائدیلن آراشدیرمایا گؤره قورولوش تاریخ‌لری 50 ایلی آشمایان دونیانین ان یاخشی گنج اونیورسیته‌لری سیرالاماسیندا بیلکنت اونیورسیته‌سی‌نین 31ینچی اولدوغونو ایفاده ائدیر. قزئت، کئچن ایلین قیمتلندیرمه‌سینه گؤره 8 پیلله یوکسه‌لن بیلکنت‌ین، لیسته‌یه گیرمگی باشاران تورک اونیورسیته‌لری آراسیندا ان اوست سیرادا ایشتیراک ائتدیگینی یازیر. خبرده، ایلک 100-دن ایشتیراک ائدن ایکینجی تورک اونیورسیته‌سی اولان قوچ اونیورسیته‌سی‌نین ایسه لیسته‌یه 41ینجی سیرادان گیردیگی یازیلیر.
میللیت قزئتی، "فینال دیشی آسلان‌لارین" باش‌لیق‌لی خبرینده، قالاتاسارای قادین بسکتبال تیمی‌نین، فنرباخچانی سون اویوندا 73-54 مغلوب ائده‌رک شامپیون اولدوغونو ایفاده ائدیر. قزئت، سارایین سلطان‌لاری‌نین، 14 ایل سونرا 12. شمپیونلوق کوپاسینی موزه‌لرینه آپاردیغینی یازیر.