تورکیه مطبوعاتی اؤزتی 11.05.2014
وطن قزئتی، "تورکیه اوچون بؤیوک قازانج" باش‌لیق‌لی خبرینده، تورکیه‌نین اوره‌تیم اورتاغی اولدوغو گله‌جگین نقلیات اوچاغی اولا‌راق حسابلانان آ۴۰۰م-ین، ۲۰۳۰-جی ایله قدر اؤلکه ایقتیصادینا ۱،۱ میلیارد آورو قازاندیرماسی گؤزلنیلدیگینی یازیر.
خبرده، آ۴۰۰م نقلیات تییاره‌سی پروژه دیرکتورو عثمان سویلو-نون، تورکیه، اینگیلتره، فرانسا، بلژیک و لوکزمبورگون بین الخالق کونسرسیومویلا ۱۷۰ تییاره چیخاریلاجاغینی و هر بیری‌نین ۱۲۵ مین آورویا ساتیلاجاغینی ایفاده ائتدیگی بیلگی لری یئر آلیر.
خبرده آیریجا، سویلونون تییاره‌لرین هامیسی‌نین اورتاق اؤلکه‌لردکی مسکون کارخانالاردا چیخاریلا‌جاق پارچا‌لاردان میدانا گله‌جگینی و تورکیه‌نین آ۴۰۰م-ین یوزده ۶لیک حیسه‌سی‌نین اوره تیمینده پای صاحبی اولدوغونو وورغولادیغی دا یازیلیر.
ایستار قزئتی، "۲۰۲۰ده دونیانی چالیشان بحرانین‌دان تورک‌لر قورتارا‌جاق" باش‌لیق‌لی خبرینده، دونیا داخیلینده ۲۰۲۰-۲۰۳۰ ایللری آراسیندا اؤلکه‌لرین ایش گوجو وئریملیلیغی و عمومی یورد ایچی گلیر بؤیومه نیسبت‌لرینه گؤره دگیشن شدتده ایش گوجو قیت‌لیغی یاشاناجاغینی یازیر.
قزئتین وئردیگی خبره گؤره، خصوصیله آلمانیا، ایسپانیا، روسیا، ژاپون کیمی اهمیت‌لی اینکیشاف ائتمیش اقتصادی ایش گوجون‌دکی دارالما سرعتلنیرکن، ایش گوجو چوخو وئرمه‌یه داوام ائده‌جک اولان تورکیه اوچون بو داربوغاز فورصت اولا‌راق گؤرولور. دانیشمانلیق شیرکت‌لرین‌دن The Boston Consulting Group-بون (BCG) حاضیرلادیغی 'یاخین‌لاشان قلوبال یئتنک بحرانی راپورونا گؤره، ۲۰۲۰-۲۰۳۰ آراسیندا قوزئی کوره و چین‌ده ایلک دفعه ایش گوجو عرضینده ائنیش یاشانا‌جاق.
میللیت قزئتی، "بیر داها ساواش تییارسی ایله گله‌جه‌گم" باش‌لیق‌لی خبرینده، رومانی‌نین، روسیا باش ناظیر کؤمکچی‌سی و ترانسدینیئستر اؤزل نماینده‌سی دیمیتری روگوزین-ه هاوا ساحه‌سینی باغلایاجاغینی یازیر. قزئت، مولداوی‌دن تک طرف‌لی مستقیل‌لیگینی اعلان ائدن، روسیا حمایه‌سین‌دکی ترانسدینیئسترین باشکندی تیراسپول‌دان، روسیانین باشکندی موسکوایا دؤنمک ایسته‌ین دیمیتری روگوزین-ه، رومانی هاوا ساحه‌سینی باغلایاندا، ایکی اؤلکه آراسیندا گرگینلیگین یاشاندیغینی یازیر.
خبرده، ترانسدینیئستره سووئت‌لر بیرلیگی‌نین نازی عسگرلرینه قارشی ظفری‌نین ۶۹ونجو ایلدؤنومو اوچون گئدن روگوزی‌نین، توییتر حسابین‌دان "آمریکانین ایستیی اوزرینه رومانی، اوچاغیمیز هاوا ساحه‌سینه گیرمه‌سینه ایجازه وئرمه‌دی. اوکراین دا وئرمه‌دی. بیر داهاکینه توپولف تو-۱۶۰ جتی ایله اوچاجاغام "دئدیگی یازیلیر.
صاباح قزئتی، "تاریخین آخیشینی دگیش‌دیره‌جک کشف" باش‌لیغینی استیفاده ائده‌رک، ایستانبول پندیکدکی دمیریولو قازینتی‌لاری اثناسیندا، نئولیتیک دؤور (داش دؤورو) ایزلرینه راست گلیندیگینی یازیر.
خبرده، بو قازینتی‌لار زامانی ۸ مین ۴۰۰ ایل اوّلینه عاید ۳۵ مزار، ال بالتا‌لاری، سوموک قاشیق، دری تیکمه‌یه یارایان سوموک ینه، آرپا و بوغدا دؤیمک اوچون هاوان، اوگوتمه داشی، چاخماق داش‌لاری، شیشمانلیغین کسیجی آلت‌لر، بیزانس دؤورونه عاید چاناق-بارداق‌لارا راست گلیندیگی یازیلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
