تورکیه مطبوعاتی اؤزتی 10.07.2014
سلام حؤرمتلی اوخوجولار، تورک مطبوعاتیندا یئر آلان بعضی خبرلرین خلاصهسینی سیزلرله پایلاشاجاغیق.
یئنی شفق قزئتی، "معلملرینی ده اونوتمادی" باشلیقلی خبرینده، پرزیدنت نامیزدی و باشباخان رجب طیب اردوغانین صاباح ایستانبولدا آچیقلایاجاغی پرزیدنت ویزیون سندی حاضیرلیقلارینین داوام ائتدیگینی یازیر. قزئت، تورکیهنین بوتون رنگلرینی گؤروشدورهجک توپلانتییا اردوغانین سیاستدکی یول یولداشلارینین یانیندا 30 معلمی، محله یولداشلاری ایله 7 بؤلگهدن 70 ایش آدامی و مارمارای، ایستانبول 3. هاوالیمانی کیمی بؤیوک پروژهلرین مهندیس و ایشچیلریندن نمایندهلرین ده قاتیلاجاغینی یازیری.
میللیت قزئتی، "غزهنین اؤلو اوشاقلاری" باشلیقلی خبرینده، ایسراییل اوردوسونون غزهیه ایستیقامتلی هاوا سالدیریلاریندا ایکی گونده اؤلنلرین سایسینین 50ین اوزرینه چیخدیغینی، یوزلرله اینسانین یارالاندیغینی یازیر. حیاتینی ایتیرنلر آراسیندا اونلارلا اوشاق و قادین اولدوغونو کؤچورن قزئت، 2000-جی ایلدن بو یانا اؤلن فیلیسطینلی اوشاق سایسینین 1407 اولدوغونو ایفاده ائدیر.
صاباح قزئتینین اقتیصاد صحیفهسینده یاییملانان "عبالی اوغلو آمریکایا کارخانا قورور" باشلیقلی خبرده، دنیزلیلی عبالی اوغلو هولدینگ، آمریکاداکی ایلک کارخاناسینی قوراجاغی یازیلیر. قزئت، 42 میلیون دولارلیق سرمایه ایله قورولاجاق میس کارخاناسینین، 300 نفره استیخدام تامین ائدهجگینی ایفاده ائدیر. قزئت، نیو مکزکو ایالتیندکی سانتا تئرسا بؤلگهسینده اولان صنایع پارکیندا تیکیلمهسی پلانلانان تاسیسین تخمینن 24 مین مت مربعلیک ساحهده قورولاجاغینی یازیر. خبرده کارخانانین، 2015-جی ایلده ایشه باشلایاجاغی یازیلیر.
ایستار قزئتی، "65 مین آدامی آغیرلایاجاق" باشلیقلی خبرینده، مبل و آغاج ایشمه ماشینلاری، مبل یان صنایعسی و مئشه صنایعسی ساحهلرینده تورکیه و دونیانین لیدر فیرمالارینین گؤروشمه نقطهسی آغاج ایشلمه ماشینی سرگیسینین ایستانبولدا 27 سپتیامبر-1 اوکتوبر تاریخلری آراسیندا گئچیریلهجکینی یازیر. قزئت، کئچن ایل 30 اؤلکهدن 880 شیرکت و شیرکت نمایندهسینین قاتیلدیغی سرگینین، بو ایل یوزده 12 بؤیویهرک 14 سالوندا آچیلاجاغینی ایفاده ائدیر. قزئت، 30دان چوخ اؤلکهدن مینه یاخین شیرکت وشیرکت نمایندهسینین قاتیلماسینین گؤزلنیلدیگی سرگینین سکتورداکی بوتون گلیشمهلرین و یئنیلیکلرین ایلک عنوانی اولاجاغینی ایشاره ائدیر. خبرده، سرگینین 90 اؤلکهدن 65 مینین اوزرینده زیارتچی آغیرلایاجاغینا وورغو ائدیر.
وطن قزئتی، "ایخراج ائدیلن 100 ماشیندان 73و اوروپا بیرلیگینه" باشلیقلی خبرینده، تورک اوتوموبیل سکتورونون ایخراجاتینین، ایلین ایلک یاریسیندا اوروپا بیرلیگی (آب) بازاریندا کئچن ایلین عینی دؤورونه گؤره بؤیودوگونو یازیر. قزئت، کئچن ایلین ژانویه-ژوئن دؤورونده اوتوموبیل ایخراجاتینین یوزده 69،20 'سینین اوروپا بیرلیگی بازاریندان الده ائدیلرکن 2014ون عینی دؤورونده بو رقمین یوزده 73.80-ه یوکسلدیگینی ایفاده ائدیر.
آخشام قزئتی، "تانگوجولار فینالدا" باشلیغی آلتیندا ایدمان صحیفهسینده یاییملانان خبرینده، دونیا کوپاسیندا هولندی پنالتیلرله کئچن مسیلی آرژانتینین فینالا یوکسلدیگینی یازیر. قزئت، جونیت چاکیرین ایسه، اویونو بویونجا سرگیلدیگی رهبرلیکله بؤیوک بئینمه ییغدیغینی یازیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.