تورکیه مطبوعاتی اؤزتی 24.03.2017
ایستانبولدا تشکیل ائدیلن 12-جی تورک-عرب ایقتیصاد فوروموندا 500-دن چوخ یئرلی و خاریجی یاتیریمجییا تورکیه ایقتیصادی ایضاح ائدیلدی
تورکیه مطبوعاتی اؤزتی 24.03.2017
حریت "آمریکا و روسیانین ی.پ.گ-یه باغلانتیسی بیزی اوزور"
پرزیدنتی رجب طیب اردوغان، روسیانین و آمریکانین، بؤلوچو ترور تشکیلاتی پ.ک.ک و بونون سوریهدکی داوامی ی.پ.گ-یه گؤستردیگی ماراغین تورکیهنی اوزدوگونو ایفاده ائدهرک، "بونو اؤزلرینه سؤیلدیگیم اوچون آچیق شکیلده دئییرم. بو اراضیلرین بونلاردان اوزاقلاشدیریلماسی لازیمدیر. نیمیش اونلاری رژیم دعوت ائتمیش. هر دعوته راضیلیق ائدیلمز. دونیا سیاستینده بو یوخدور. کیمی ناراحات ائدیر بو، ان چوخ بیزی ناراحات ائدیر. منیم 911 کیلومترلیک مرزینین وار. داعش آتیش ائتدی بیر وطنداشینین، بیر عسگریم شهید اولدو. بونلارین ائله بیر وضعیتی وار می یوخدور. بونا بیز قرار وئرریک. کیمسه، 'تورکیه آرتیق چکیلسین ...' دئیه بیلمز. یوخ ائله بیر شئی. بو تهدیدلردن تام معناسی ایله آریندیغیمیزدا بیز ده بو ایشین قیمتلندیرمهسینی ائدریک. "دئیه دانیشدی.
وطن "تورکیه روسیانی خبردار ائتدی"
روسیانین آنکارا مصلحتگذاری، سوریهده آفرینده آچیلان آتش نتیجهسینده تورک عسگرینین شهید اولماسی اوزرینه خاریجی ایشلر ناظیرلیگینه چاغیریلدی. ناظرلیک سؤزچوسو حسین موفتو اوغلو، "اونا (مصلهتگذارا) اوّلجه بو حادثهدن ائشیتدیگیمیز جدی ناراحاتلیق چاتدیریلدی. بونا قارشیلیق وئریلدیگی، بوندان سونرا بنزر حادثهلرین یاشاماماسی اوچون نه گئریکیورسا ائدیلمهسی لازیم اولدوغو، اگر یاشانسا بونا (ترور تشکیلاتینا) میثلیله جواب ائدیلهجگی اؤزونه کؤچورولدو." دئدی. موفتو اوغلو، بؤلگهدکی پوزونتولاری ایزلمهدن روسیا مسئول اولدوغو اوچون روس مصلحتگذاری چاغیریلدیغینی ایفاده ائتدی.
خبرتورک "ناظیر آرسلان: یاساق قرارینی ICAO -یا داشیییریق"
نقلیات، دنیزچیلیک و خبرلشمه ناظیری احمد آرسلان، آمریکا و اینگیلترهنین الکترون جیهاز قاداغانی قراری ایله باغلی، میثللمه کیمی بیر وضعیتین سؤز موضوعسو اولمایاجاغینی ایفاده ائدهرک، "ترور هر یئرده تروردور. بیر هاوالیمانینی ترورلا موباریزهده آیری توتوب، بیر باشقا هاوالیمانینی آیری توتماق دوغرو دئییل . ایشده او زاماندا حاقلی اولاراق اینسانلارین آغلینا باشقا شئیلر گلیر. اومید ائدیریک و دیلییریک کی بو ایشین باشقا مقصدلرله دوشونولن بیر آرخا پلانی یوخدور. قراری بین الخالق سیویل آویاسیا تشکیلاتی (ICAO)'نا داشییاجاغیق "دئدی.
یئنی شفق "500-دن چوخ یاتیریمچی ایستانبولدا"
کؤرفز یاتیریمچیسینین تورکیهیه علاقهسی آرتاراق داوام ائدیر. ایستانبولدا تشکیل ائدیلن 12-جی تورک-عرب ایقتیصاد فوروموندا 500-دن چوخ یئرلی و خاریجی یاتیریمجییا تورکیه ایقتیصادی ایضاح ائدیلدی. تورکیهیه ائتدیکلری یاتیریملارین ثمرهلیلیگینی ایضاح ائدن خاریجیلر، یئنی سرمایهلرله امکداشلیغی آرتیراجاقلارینین سیگنالینی وئردی. باش ناظیر معاوینی محمت شیمشک ده، سرمایهچیلره "تورکیهنین بؤیوک هدفلری وار. الینیزی تئز توتون" مساژی وئردی. تورکیه ایله عرب اؤلکهلری آراسینداکی تیجارت هجمینین بو ایل 70 میلیارد دولاری تاپماسی گؤزلنیلیر.
ایستار "مهاجیر درامینی آمریکایا ایضاح ائدیر"
آمریکادا یاشایان 17 یاشینداکی سینم اوغوزون تورکیهدکی سوریهلی قاچقینلاری موضوع آلان فوتوشکیللری، اؤلکه ایچینده بؤیوک ماراق گؤرور. اوغوزون چکدیگی فوتوشکیللر، نیویورکدا "40 یاش آلتی ان تأثیرلی 40 تورک گنجی" موکافات مراسیمینده سرگیلندی. اوغوز، سرگینین داها اوّل آمریکا کونگرهسینده آچیلدیغینی ایفاده ائدهرک، تورکیهنین قاچقینلارا ائتدیگی یاردیملاری بوتون دونیایا ائشیتدیرمگی مقصد قویدوغونو ایفاده ائتدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.